呀媽呀爸今日返左黎啦~我ge生活又要回復正常，要早訓...=w=
雖然無得開太夜電腦，同唔到你地傾計，
不過，唔使食呀婆住ge飯就okay啦~都係中意食呀媽煮ge飯，
呀婆落太多油啦，打完波，仲要食咁油ge野，好唔健康law~
算啦，呀媽終於返左黎.......對我於黎講，食野比起玩電腦重要多d，哈哈XD~

原來，我真係好易信人，被蚊欺騙左我，不過，其實，我都係半信半疑啦，哈哈 >v<"

呢個禮拜，真係好開心，差唔多日日都同朋友一齊，
曉兒同珩珩都係我ge好朋友，仲記得小二個陣時，剛搬到上水，
一個朋友都無，真係又孤獨又寂寞，小息個陣時，我自己一個食包，
就會埋怨點解搬過黎，天水圍好好多啦~成日都有好多朋友走過黎陪我，
不知幾幸福。不過，搬左黎上水，就唔同啦，小學個陣時，體育堂分組，
無人同我一齊，個刻真係好慘，好想喊出黎，我係一個超級被動ge人啦~
到小六，我唔小心，入左醫院，聽媽咪講有同學野黎問候我，
我聽到之後，都真係唔敢相信，朋友，真係好重要。

計下計下，其實，同朋友相處ge時間，比起同爸媽相處ge時間多好多，
因為大家齡差唔多ma，傾計，心事，都易講出口d。

「I found it」係msn，因為曉兒，我add左個人，發覺佢都同我幾相似，
找到個同自己性格差唔多ge人，真係好難得，雖然唔係同佢好熟，不過，
我想我會明白佢ge，因為，我都曾經係咁樣，其實，而家都有時係咁樣，
只不過，過左咁耐，都睇開左啦，寂寞咪寂寞law，享受一刻寧靜也是一種樂趣。

今日又有個人，係msn到，佢sd左張相黎，話自己好樣衰，問我覺唔覺，
我講左句：「其實，『樣』呢樣野，真係唔係好重要，最緊要個心law~」
講左呢句，你地可能會覺得好假。但係，我會咁諗，既然自己都唔係好靚，
又何必介意人地個樣呀，其實每個人都唔係完美law~

而家，有好多朋友，自己真係好幸福，雖然唔係每一個人都係咁真誠對我，
知己呀，數下都有六個ge，不過，已經好好啦，知己難求........