最近呢幾日,生活都幾平淡,冇咩特別事發生
所以都唔想將d無聊既事打上blog
(此為個人想法,不喜勿小)
而今日其實都唔例外...
所以呢篇日誌絕對唔係講今日既事嫁..
不過應該唔會令你失望既,因為我會講下自己既事
可能有d無聊,當係打比自己當做個留念啦...
廢話太多了,往主題直沖啦!( bom!痛啊...)

我,全名叫 X焯暉, 花名一大堆.而花名有咩,用腦袋去想想
自小學到而家,其實都冇咩大轉變(指性格,行為上)
而上到form.2之後
好出奇地,有人幫我改左個名  膠暉 
我一開始聽到呢個名,真係好唔開心
因為,我由Form.1到而家,都係咁
點解唔一開始係Form.1就咁叫?
可能果個人得閒冇野做,食飽飯冇x痾
又或者將我睇得太重啦,轉一轉移視線好d
不過叫耐左,對呢個名都麻木了...
所以都冇咩所謂啦.
不過想講一講既就係 : 當時人冇所謂唔代表就係岩
例子就唔講啦,理性既都可以諗到....

而在Form.2既呢段日子裡面
我發覺自己做事馬虎左
特別是功課方面,是是但但做左就算
出來的成績就當然唔好,有時仲比呀媽話
仲有,我作文果陣經常性 玩野
有次仲比呀sir記左兩個warning,
果次因為係英作果時寫d foul language既同音字...
不過呢d問題本身就存在...只係以前未嚴重化姐...
仲有,係做事方面,我經常性 虎頭蛇尾,放人飞機
舉個例啦...
有次,羅sir同我講話報學界跳遠,我就答應左
之後呢...一次練習都冇去過= =
搞到去到好似部跳咁...
(我果次有打blog,有興趣可以睇返)
本人自知要改進,不過都是有心無力...
冇咩動力真係可以推到我...
不過而家我改緊嫁啦...

今日,就打住咁多先啦,一次過打太多會冇人睇= =
就係咁啦...聽日應該會再打,否則後日都會打既..BYE BYE

PS：用口語真係會好睇d??