今日10:30起左身,因為要叫lo琳起身囉~跟住開左電腦聽歌諗住訓陣,跟住lo琳佢打黎傾計~哈哈~~係緊叫我買生日禮物比佢,佢話要個袋~跟住傾到唔知幾點,佢就出左去lu~~跟住我2點問左老母拎錢...跟住就出左去旺角...諗住搵細路個d~點知好大雨,我去到球場搵佢地,佢地已經走左lu~跟住我等到細雨就去左等cheuk in佢放工~跟住一齊去食飯~呀hei佢生日丫嗎~好la~係度同你講聲生日快樂la^^跟住食到10點左右,佢地落bar,我同cheuk in走先~返左博康搵lo琳,妹妹同2個唔識既仔食糖水~食完之後去左飲幾枝酒,跟住返左博康去左博文坐左陣,跟住就返左屋企lu~點知發生左d野~~唉~~~算la,搞掂左,冇野架la~你放心la^^跟住就寫日記....今晚有排訓囉~~今日好累囉~我諗聽日3點不露~好la~唔講~訓lu~~~~~~~   

今日10點鐘起左身,去左金鐘拎入台証(姐係去台灣個張野)姐係我就走la各位~~~~~拎完之後返屋企,返到去4點鐘左右,原本出去搵細路同豬芬佢地既,跟住我老母又話打邊爐~~跟住我咪話唔出囉!!跟住lo琳打黎叫我買生日禮物比佢,買左都唔知點比佢la(有d野唔想講)聽完之後好無奈囉~~唉~~算la~~跟住就打邊爐,睇電視,跟住就寫日記la~~~~~~~~~~~~~

今日1點幾訓醒左,跟住就一直無聊到而家,又係度等緊電話,睇下見個d工請唔請>_<跟住早dd寫日記,冇lu....今日就係咁無聊la~~~~~

完本真係諗住唔訓既~~點知最後都係訓左,訓到1點幾醒左,去煮左個麵食跟住去左搵工,搵完之後返左博康等佢地一齊出新城市既,點知等到差唔多7點先齊人,跟住就話唔去.係羅馬傾計既傾計,踢波既踢波....到8點走哂人之後,陪左lo琳去m記之後,係個度等馬騮跟住一齊去河畔,跟住我約埋cheuk in一齊過去食糖水,食完睇左馬騮打左陣機,跟住就返左博康,跟住我都返屋企la~~~~~~~~   

今日11點左右起左身,跟住12點出門口去接麥wing放學,跟住諗住陪佢返屋企換3,點知佢冇帶屋企匙,跟住就去左我屋企換...換完之後,係我屋企玩左陣電腦就返左博康食野,食完野就去左佢屋企擺低左d野就出左新城市...行左一陣之後,就返左保記打波,之後lo琳,彭彭都黎埋...點知lo琳出左事,跟住去完彩龍食飯,就去左傾野la佢地,我就自己一個等拎番部電話,單野搞到1點左右傾完,佢叫我返佢屋企幫佢解釋,返到去之後,解釋完之後諗住走,點知佢話唔想留係屋企,佢自己又有d唔舒服,跟住佢就話入急診室,叫我陪佢,跟住出左門口,去左博文一陣,佢叫我返屋企幫佢拎野,佢諗住睇完醫生之後唔番屋企訓,係人地屋企訓到朝早番學,點知佢老豆老母又話要黎,跟住就去左醫院la~睇到差不多4點幾,就番博康,佢叫我借部電話比佢,唉~~算la~我借左...鬼叫我...........跟住我上佢屋企問佢拎番幾蚊搭通宵巴同比番部T-100佢,跟住番到屋企都5點,諗住今晚唔訓LA~跟住又要出金鐘....出完去又等埋佢地一齊去沙田見麵軒....so今晚唔訓~~~

今日11點幾起左身,跟住cheuk in打黎叫我出去搵佢同佢條女,我就起身出去搵佢,跟住麥wing打黎話叫我同佢同豬芬一齊出新城市,跟住我就去左博康m記等佢地,跟住就出左去新城市,跟住又去左搵cheuk in同佢條女...跟住行到7點幾左右就返左博康食飯,跟住見到lo琳,彭彭,同琪,我地就一齊周圍玩,勁慘囉~~係羅馬比人攞野飲噴落我度,好彩全部唔中,跟住lo琳想追住我黎噴,點知-.-佢踢到我隻腳...跟住佢就仆街~~唉~就係咁又做左衰人>.<係緊比佢踢囉...唉~算...跟住玩到11點左右就返左屋企~

成晚冇訓過∼７點鐘就出左去長沙灣睇波，睇到１１點左右就返左沙田食野∼食完返埋屋企一陣訓左陣就出左新城市同個豬雜睇戲(勁想走)吊~知佢咁豬就唔撚睇la-.-睇完之後麥ｗｉｎｇ叫我搵佢,跟住即刻放件豬雜飛機，之後周圍行下行下行到１點左右就番哂屋企，我自己再周圍兜下行到３點３０左右就番屋企ｌｕ∼∼番到去勁無奈,我家姐d同學又未走,又拎左部ps2黎打><唉~~

今日11點幾醒左,無聊到2點左右,麥wing叫我陪佢睇波~去到鬼死咁大雨><跟住睇完之後返左博康,去左m記食野,食完返左屋企到8點幾,出左去搵返麥wing,豬芬,彭彭玩,完本話唱k,因為冇錢,so冇唱,跟住就去食糖水,後尾lo琳黎埋..食完返到博康,見到馬騮,跟住又一齊玩,周圍兜完之後,上左博康山行上去,跟住落番黎個時,成班沖番落去,落到去之後去左唔知邊度坐,跟住冇耐佢地走哂...我同馬騮吹左陣水..跟住就返屋企lu...今晚諗住唔訓直落,不過唔知去邊><希望佢地可以叫埋我去bbq,我唔想冇野做><

今日又要番工,7點起左身之後,去左沙田圍等cheuk in一齊番工...今日唔夠訓,so好眼訓,番到公司食埋早餐就開工,真係好鬼眼訓,上左車冇耐就訓左,到左目的地個司機就叫我,做到2點左右係大埔走,個司機好好人,佢車埋我返屋企^^返到去訓覺訓到6點起左身,跟住到7點左右就出左去廣源食飯.食完飯諗住同麥wing食糖水...點知lo琳同彭彭都係度,跟住就周圍玩,但唔知點解佢好似唔想我係度咁...唉~~佢地星期日去bbq,都好似唔想我去...佢地冇叫過我去,今年中秋要自己過la~行到2點幾左右佢地返屋企,跟住我就去搭車走...返到屋企沖完涼,就online寫日記la.................我真係想同你地過中秋,希望你地可以叫埋我...

今日7點鐘起左身~搞掂之後出去沙田圍馬鐵站等cheuk in一齊返工,跟住再去大圍等埋程瀧,返到去間公司8點8...要等到9點3先入到去....熱到我丫-.-跟住就開工...今日跟車送貨既地點有醫院2間,跟住去個d大多都係別墅><幾令呀...跟住送花個時又介到隻手><唉~~跟住做到2點幾就做哂lu,做完去左APM行左陣就返左去,返到去,佢地又叫我送多次,要自己去,去到差唔多6點就返左公司,跟住佢地又叫我送多次,送完係個度走,送去個度好難去,係海洋公園附近,去到之後問人,好彩問到一個住係個個地點附近既人><如果唔係有排搵><跟住就行番去搭170返去,上左車之後坐低左冇耐就訓左,之後起身見到係博康,就落車去m記買左杯新地雪糕,跟住就搭馬鐵返去.......返到去沖完涼就online同寫日lu~~~~~~~~~~~今日15號lu~~可惜同唔到佢到今日><今日原本係我同佢既重要日子,真係想同番你係埋一齊【等待中】......黎緊中秋同佢生日 ,我希望可以陪佢同佢會收我送比佢既生日禮物~~~           

今日12點幾先起身,都係區基打比我叫我出去陪佢,我先起身,尋晚睇波睇到5點幾先訓,先訓咁耐,跟住2點左右出左去新城市搵區基,去左新機地打左陣機,跟住去左KFC出面個度坐左陣,跟住比人話,我地就返左馬松深,搵左d miss呀sir,跟住諗住打陣波,校長個d都冇咩野,跟住大頭林勁on9>.<凸話我地冇miss呀sir簽我地入黎,趕我地出去,on撚9架-.-...跟住去左m記傾左陣計,跟住佢地話走,我就打比馬騮搵佢玩下,跟住去左保記打左陣波,出左羅馬傾計..傾左一陣,去左彩龍食飯,食完飯同呀祖,馬騮去左河畔睇佢地打機,去個時見到lo琳佢地係保記個度,跟住就去左河畔,去完河畔打完機,諗住返去搵佢地傾下計,點知佢地已經走哂,跟住兜多陣,就返左屋企~返到去之後,沖完涼,就online,今晚要早d訓lu~聽日要返工...............聽日15號la~原本係我同佢既重要日子,諗住會同佢出街,但....而家唔得la~不過我會等你~~~真係好想同返你一齊~

今朝10點幾醒左,無聊冇野做,就同區基玩msn,玩埋個d無聊game...到差唔多12點幾,我個班d人打黎話返學校,跟住我就叫埋區基一齊返,點知返到去,佢地又話聽日先返,搞到我同區基又走左出新城市,出到去好運,我去左好運買左件3,買完之後,諗住返博康搭馬鐵走,跟住見到馬騮,就陪左佢去河畔拎返d野,跟住返到博康,見到彭彭,麥wing,豬芬,跟住我話請佢地食野,就去左m記食野,我地食完之後去公園傾計,跟住冇耐...lo琳突然彈左出黎,我呆左...個時佢呀媽又打黎搵佢,佢又係度講緊野,好彩佢呀媽聽唔到...跟住去左公園坐左陣,佢就同彭彭走先,跟住我又坐多陣走,行去保記等cheuk in,點知行到日本城個度,又見返佢同彭彭,冇咩野丫~各行各路~~跟住等唔到cheuk in佢,我就走左lu~~返到屋企online...見到佢away寫住比人打,仲要留血,希望佢冇事la><跟住我就沖涼,之後就寫日記lu~~~~~~~~~~

今日7點鐘起左身,都係我呀媽叫我我先起到身,因為汁野汁到累,所以先會起唔到身,返到公司,食埋早餐就開工,吊~勁黑仔囉今日-___-"一開工去送貨送錯左3次~~唉~可能係因為唔夠訓la~跟住仲慘,比車撞到個"攞"係側面撞到,唔算好傷>__<"跟住送哂貨,拎埋d單番去比個老板,諗住走得la><點知又叫我自己去唔知咩醫院,係山頂落小小,送完之後又唔知邊度搭車走><搞到要行番去,好彩好近><如果唔係行死人...返到公司,佢地出左糧比我^3^我中秋有錢玩同買生日禮物比佢la^3^希望佢會收...放工之後自己一個去左新城市行.....見到好多熟人,有無敵,津津...仲見到佢同...仲要係側面經過,冇咩野~見到佢同...都幾開心~~跟住我拎轉頭睇左一眼~就走左去好運~~跟住又見多次>___<"跟住我就去搭車返屋企...返到去就寫日記lu.................

尋晚訓得好好~~~幾晚之中最好^^今朝10點起左身就落去食早餐,食完之後就要返工,因為返工返12點,今日唔洗跟車,個老板叫我同區基留係間鋪頭幫手汁野~~汁得幾開心^^又有歌聽,又有計傾^^跟住到2,3點,個老板請我地飲茶^^哈哈~又唔洗用自己錢^^食完又返去做過...做到5:30就走人,放工之後,我同區基就去左旺角,cheuk in佢就去左搵女><我同區基去到旺角,就去旺中度買左條褲^^買完行左一陣,就返左沙田,不過得我一個,區基佢返屋企,我係沙田行到10點左右,就行去搭車返屋企...返到去沖完涼就online,我見到佢online,我冇add佢,因為我同自己講過唔好add佢住,唔好令到佢覺得我煩,so冇add到,跟住就寫今日既日記,等左好耐先寫到><因為個網站維修緊,等到點幾鐘寫到lu^^

今日訓左一陣之後落左街買野食返左屋企之後,點知冇胃口食,跟住跟無無聊聊開住電腦聽歌,跟住連lunch都冇食...到差唔多2點左右,見到佢online,奇蹟,尋日佢5:30先訓,2點可以起到身...我見到佢online我冇add佢,因為我應承過佢唔好煩佢,所以我唔會再煩佢...跟住冇耐,出左去搵左幾份工,希望有工請我la><我要做成績比佢睇家嗎><搵完之後同左d親戚提早食中秋飯...去左青衣,食飯個時冇咩野~唔知點解係緊想打比佢,但我同佢已經...唉~跟住又唔知點解我冇精神,個時有小小想訓...但返到屋企又好精神...唉~唔知點解?食完飯返到屋企個時困𨋢...勁慘囉!!!困左2個字><部𨋢自己行番.......返到黎佢icq add我叫我send相比佢,跟住我咪send囉^^聽日同後日都要返工,一陣睇下早訓,睇下訓唔訓到la,訓唔到又無聊多一晚lu~~~~~~~~

成晚都訓唔到~因為個件事><7點幾出左門口,出去博康等cheuk in一齊返工,點知見到lo琳佢,佢就當睇我唔到,唉~勁唔開心囉~返工la~去到上環個間公司,等左一陣,就開始汁d果籃上車,我送個d果籃唔算多><但係送既地方都好遠~最遠係元朗~送完果籃之後,比個司機係荃灣放低左我,勁慘~跟住約左區基返沙田等...等到佢之後,又等cheuk in佢放工,我同區基等佢既時間去左飲酒,買左幾罐啤酒,一邊飲一邊行去乙明陪區基搵PO,跟住又返左博康,跟住cheuk in打比我話佢放工,我同區基又行返出新城市,我地去左旅行社後面個度等佢,我就係緊飲酒,跟住wing下wing下,佢地又話我醉左,我話冇又唔信.跟住同cheuk in同區基去左【吉野家】食飯,食完之後落左新基地,我入去就去左打拳個度發洩~比我破左紀錄喎~哈哈~~跟住又返去去左食糖水,跟住食完之後就返屋企。返到屋企on icq見到佢online,想話同佢傾下計,咁而家係fd都可以傾家嗎~佢就好似唔想同我傾,跟住無無聊聊咁就6點,跟住想訓又訓唔到~~唉~訓得個一陣><......

今日又要等到8點先搵到你,放學放12:30,呢個時間先返....唉~~跟住唔知點解我覺得佢有d野,我就問佢係唔係想散,佢就答sorry,跟住勁唔開心,又唔知自己想點~跟住出左去搵cheuk in食糖水,同佢講左之後,佢打比lo琳,佢地傾完之後,cheuk in話佢比半年時間我做d成績比佢睇,跟住我話一定會~~我唔知會唔會係厄我,但我真係好想同番你係埋一齊~~我真係好ｌｏvｅ　ｙou~