今日係七月十一號, 唔知大家重記唔記得上年既今日呢?
當日同今日完全係相反, 上年既今日, 係落著大雨既
全港既小六學生都抱著緊張既心情番到學校等待派位結果。
當然, 派得好既, 一定會開心, 唔好既, 只可能係喊或傾力到其他學校叩門。
我喺個陣時都係好緊張, 係咁祈禱, 卒之都入到MST。
真係好開心, 但見到有個別既同學面上帶有失落既表情, 大家都會主動安慰佢,
鼓勵佢。
其實我覺得大埔既學生好幸福, 因為冇咁多同學爭學位
相反你觀察下市區既學生, 可以派得好好, 有啲差到溜...
重記得個日有單新聞, 係一個市區學生嚟既, 佢成績唔錯, 但最終被編列到第
十五定唔知十八個志願... 睇到都心up...
所以我地要珍惜咁好既學位利益
講番今年, 都覺得好開心, 因為見啲師弟師妹考得好好, 比我地個年勁
有46個入到嚟MST, 希望佢地上到中學要好好珍惜, 特別係中一。

 今日係星期日, 所以如常7點半起身番教會~(教會在九龍塘, 所以要咁早起身」
番到1點到啦, 就一家四口去梅窩玩啦~

我地先響Festival Walk 既 food court 食野, 跟住3點就答地鐵去到東涌答單層巴士去梅窩既貝澳
車程歷時6,7個字(不在內答地鐵), 要行過嚴重崎嶇既山路
去到貝澳, 就去左沙灘個到既餐廳叫野飲+一家人傾計~
跟住6點就去梅窩碼頭食海鮮
之後又搭番單層巴士去東涌, 再轉E41番大埔。

今日真係晴天霹靂, 又有風又唔算太shine , 雖攰但舒服!~

今日係星期六, 所以可以晏啲起身~
大概8:30到起身啦, 好開心, 今日唔使學琴!

跟住12:30 出去, 去kumon, 不過唔係去補, 係去換功課
因為趕住番學練詩
番到去就練詩, 冇乜特別

跟住就係共創成長路既嘉許禮, 超超超無聊
連我呀媽都會唔掂, 絕對讚成!!!

跟住一件令我受驚既事就發生啦...                    (唔好誤會, 唔關「賴皮」事)

咁完左Paths, 就如常去左北京桌球城隔離既巴士站等小巴啦...
跟住冇啦啦有個男人(30-45歲到啦) 攞住枝可樂行過嚟我到, 佢着住件背心+短褲
佢問我有冇5蚊, 話要搭車  
跟住我又傻傻地咁話 「冇, 不過我有十蚊」
咁就叫我比佢啦, 點知佢得寸進尺, 話要來回, so 加埋要廿蚊!
不過當然我諗緊其他野... 所以就低低能能咁比左廿蚊佢
剎那間, 我發覺比佢昆左, 就即刻問佢幾時還啦
佢竟然話有緣見到就比番我, 我就立刻話我要去買野, 叫佢比番我
點知佢唔肯, 我就同佢講 「如果你唔番我, 我咪報警囉!」
Then 佢淆底, 比番我
咁我當然即刻走啦....
點知個麻甩佬又行過嚟, 佢問我「你話買野?咁做咩頭先又比我?」
我咪話我一時間醒唔起囉
Then 佢以為我白痴, 話寫佢個手提電話比我
我咪問番佢 「如果你改左號碼咁點, 同埋你話你冇錢, 咁你點解會有樽可樂?」
佢冇答我問題, 淨係話比個電話no.我, 我又問佢「如果我父母問起, 我點答?」
佢話, 「你咪當幫個可憐人囉!」 重要係振振有詞個隻...
我話, 「我問下我老豆先啦!」
佢竟然想要埋我部電話, 話「咦?你有電話牙?」
我就即刻話冇電, 但佢仍然纏住晒...
最終都忍無可忍, 就大聲同佢講,「如果你再纏住我, 我就即刻報警!!!」
跟住好多人望過嚟, 佢又淆底, 走左...
不過跟住就有啲驚, 就即刻打的番歸

希望大家以後都要醒啲, 唔好比呢啲人渣無賴呃錢呀~!

呢三日(30/6-2/7)去左旅行
地點係大梅沙, 小梅沙( 超近HK, 由羅胡搭車去只需50mins)
個太陽係超矖
同教會兩家人去玩

第一日去到, 都已經2點幾 去睇吓間酒店, 麻麻地....似賓館多啲
3點幾4點就去左間餐廳食野, 行吓街...
跟住去到6點就一齊去唱K, 冇乜新歌
我地唱到12點幾先番酒店...
番到酒店, 呀哥發燒..

第二日朝早, 食早餐, 跟住游水, 游到1點到
就去食lunch, 跟住呀哥要留嚮酒店休息, 咁咪陪佢囉

跟住去到7點幾, 就去左酒樓到食dinner, 啲服務態度勁差囉!
跟住有一家人話要走, 因為之後個日要返工, 跟住就順便同我呀哥一齊走
因為呀哥話想返HK睇醫生, 大陸信唔過...
應真掃興...

最後一日, 就去左小梅沙到行...無聊..
不過搭到個度啲巴士, 啲巴士勁唔穩振, 個司機都唔知有冇考牌既
跟住又番番去酒店, 沖個涼(因為個度係超熱..)
之後就去左我地酒店對面個間酒店到行吓~
個間酒店叫 Sheraton , 間野簡直重正過6粒星~!!! 如果可以又夠錢的話, 我都想住幾日....
間酒店有超級無敵大海景, 又有自己既沙灘等等...總之就無備不置啦!
不過我就咁講, 你可能唔信, 等我遲啲post 啲相去個相簿到~

跟住去到1點半, 就搭車去皇江食晏~
5點就番到屋企

總括嚟講, 今次旅行好正, 不過要付出代價......好攰 zzzz

 琴日終於考完試啦, 不過心情都係差唔多囉~

講番琴日
唔鬼記得左帶h.s.
啦啦淋call 老豆車比我, 真係唔該晒佢!!
pth , 非常之易!
跟住 考實驗
都ok啦!

番到屋企, 期望個天唔好落雨...
點知佢係要落, 頂佢!
2點前好彩停雨
無誤我地踢波, 我見呀哥咁悶, 就叫佢去囉~
由2:30踢到4點.... 同一場正式既比賽冇分別

今日, 屈響屋企.....
就泥變抑鬱
結果決定番轉間房泥執
歷時4粒鐘先搞點..
不過就有一種煥然一新既感覺
訓都訓得舒服啲~
執完之後, 有啲人打電話泥問長問短, 問d 野又唔叉關佢事喎~
妖~cut 左佢線, 響到送張相比佢: