今日係星期六.....一朝早就同于霆去咗荷里活睇king kong,好好睇呀!開始個陣好悶,簡直睇到想瞓覺呀...到咗中段同埋尾段好刺激同埋好感動呀!我都係第一次睇cry咋,于霆又cry,齣戲真係好感人呀!我初時都有後悔去睇架,但係到睇哂之後,我唔單止冇後悔ga感覺,仲想再睇多次添呀!

睇完戲之後,我哋搭地鐵去旺角,因為我有d唔舒服,所以我哋係地鐵到坐咗一陣,佢借我個袋嚟睇,點知睇到個本snoopy簿,佢就借咗嚟睇喇!佢睇完之後笑我呀!!好衰架于于,但係我都唔會mind.....

去到旺角,勁多人呀!我哋食完嘢就行咗一陣波鞋街,我想買converse呀!我睇咗好多款,好多都好靚.....之後我哋諗住去新之城,但係唔記得點行,行咗半個鐘,終放揾到喇!我行咗一陣就走咗lu.....

我哋出新之城個陣,因為個到播緊無賴gaMV,勁多人企係到睇吖,仲唱埋添呀!真係笑死我同于霆呀!搭地鐵個陣,我哋座係到,對面有一個阿伯同埋一個男人,個阿伯初時皺哂眼眉,個男人落車個陣,個阿伯即刻攞佢頂帽係到"潑涼",我同于霆見到之後,笑到收唔到聲呀!我就話個呀伯透唔到氣,于霆就話個男人個身好嗅.....笑到我肚痛呀!!

今日好開心呀!但係好"支力"行咗好內呀!我仲係咁比人踩添呀!家姐對靴黑咗我又要整番白佢,真係自己囉嚟衰呀!!不過算啦...今日好開心唔同佢計....聽日就同Ruby佢哋去唱k..我想快d去呀!我都諗定咗我唱邊首歌...hehe^.^"