今日係星期日,可以話係lee個星期最開心ga一日,因為我等咗咁奈....終於可以去唱k喇!

10:45係旺角等,又係我遲到,仲累到Ruby都遲埋添....我今日同Ruby講咗個兩件事,佢都覺得好過份呀!我都係咁話....如果個主角唔係呀伯,咁講法又會唔同咗架喇!

今日我唱咗好多歌呀!唱得最多ga都係我同埋Ruby....我覺得好多歌都講咗我ga境況同埋心情,例如:他不准我哭,不要離我太遠,My Love My Fate,我想愛就愛,心亂如麻,愛的故事(上集),一場誤會,作詞人的錯,Never Net You Go......但係Janice冇乜新歌呀,所以佢d講唱得好少咋!

唱完k,我哋去咗旺中行,行咗個半鐘到喇!我同Ruby睇咗好多衫同埋耳環,我哋見到好多件靚衫,仲諗住買件同款唔同色ga衫,等下次出嚟一齊著,但係因為太貴,所以我哋都冇買到...我仲想買帽添架...但係我覺得自帶帽好似好怪咁....加上冇乜地方係買帽,嚟去去都係個幾款,so又冇買到,今日都係冇收獲而回,唉!下次我一定要買到一頂帽呀!

行到2:30左右,我哋去咗朗豪坊飲嘢!我飲咗杯珍珠奶茶...d奶茶飲到我想嘔呀!但係d珍珠食完仲想食多d添呀!飲緊嘢個陣,Ruby就攞咗我本snoopy簿嚟睇...其實我同佢d嘢!Ruby都知到哂架喇!我同佢可以話係冇乜祕密架喇!!我同佢咩都傾得一餐,無論係愛情,屋企發ga事,友情..等等,真係好多嘢都可以同佢講架,再加上我同佢一齊睇衫真係覺得好開心架!因為我哋ga品味差唔多,我鍾意ga衫佢都覺得ok,而佢鍾意個d衫我又覺得ok,我哋ga size又差唔多....所以同佢真係好多嘢傾同埋好多嘢行,佢都可以話係我ga知己嚟架...

飲完嘢送Ann去地鐵搭車,再送Joanna去搭火車,之後我哋就行新世紀廣場...行咗一陣,加上個到d鋪'頭'好悶熱,真係熱到我好暈呀!!我哋一路行一路睇衫,行咗半個鐘到,我哋去咗美食廣場食咗少少嘢!又係到傾吓計咁啦!我哋幫咗d人改咗d花名,有三個ga,就係:新地,花占餅,同埋晾衫架...

我哋仲諗咗兩句嘢添--->1.新地+花占餅相愛在一起.
                              2.晾衫架,天陰陰

係咪作得好好呢?想唔想知道佢哋係邊個...聰明ga一諗就會諗到架喇!!

行完之後,我去咗Ruby間小學門口睇咗一陣,then就走咗喇!我哋一路行一路講關於愛情ga嘢!好好傾呀!但係都講咗我好多ga感覺,同埋意見......今日真係好開心呀!可惜聽日要番學...真係咩興都掃哂喇!