今日係星期五,都冇咩特別...今日差唔多全部都係雙堂,都冇乜特別!

math都ok啦!不過要做好多條數吖.....唉!真係煩死人喇!仲死人添吖

中文堂睇碟...ok悶啦!但係有d都幾好笑架...之後miss yuen比我哋傾計,但係都係好悶...

i.s.堂超好笑呀!個個迪加呀sir好cute呀!但係我對佢冇乜好感...今日做個個experiment,d人好好笑呀!但係佢叫哂d男仔去做,d女仔都冇得做ga,但係都睇到我好好笑呀!我同joanna係咁傾計...但係我知道佢係知架,不過冇講咋ma,佢都幾好人喎,仲請我哋食糖添吖!~

EPA堂仲以為會比miss chun鬧,因為我唔見咗兩張工作紙,點知佢冇鬧到,仲比我哋copy番添呀!miss chun放產假喇!我希望會係一個呀sir代課囉!

英文堂miss chan教埋今堂又要去進修,又要等兩個月到先番嚟,都唔知點解lee排d老師咁鍾意放假架?miss chan講完vocab ,就問我哋係咪好攰,因為我哋有幾個人都好想瞓覺咁,miss chan就問我哋喇!仲叫我哋起身做exercise添....哈哈...好好笑呀!then講咗少少longman,就同我哋傾計,都幾開心架...miss chan問我哋邊個買咗紅蘿蔔,個個就係marco喇!再問邊個買咗72隻蛋,其實個個係我嚟架...但係我冇舉手,我都唔想架...因為我哋ga溝通有d問題,先搞成咁架咋!~

今日放學,都唔知行咩衰運呀,去到邊都見到Ginger,佢又成日用d奇怪ga目光望住我喎!真係頂佢唔信呀!佢又成日問我係咪真係,我話唔係,佢又唔信...真係比佢吹脹呀!~佢痴痴哋架...

今日放學同Kelly,Winnie去咗wellcome,好好玩呀!個隻雞嚇到winnie傻咗呀!真係笑死我呀!~緊住我去咗家姐到,食咗d嘢之後,我就瞓著咗,瞓咗個半鐘,就醒咗..同個傻樂天係到玩,佢真係好好笑呀!比人鬧個陣又扮哂驚咁,緊住又成日要出街,真係激死人喇!!我走個陣,樂天又好想出嚟...跟我我行個陣,樂天哭得好大聲呀!真係慘呀,成日都冇得出街...

番到嚟同ivan傾咗一陣,我哋話番小學,話咗好內喇!但係都仲未約好...唉!真係失敗呀!