今朝我9:30就起咗身喇!約咗于于睇戲...

去咗荷里活睇魔幻王國,可惜我哋遲去,得番第一行,但係我哋又唔想lunch個陣睇,咁就買咗喇!我哋仲買埋爆'匊'添,因為我哋上次睇 King Kong個陣買咗大ga爆'匊',點知食唔哂.所以我哋今次買細,仲衰,一入場廣告都未做完,我就已經食咗一大半喇!戲做咗一陣我就全部掃哂!!

真係慘吖,坐第一行,走個陣好似瞓矮頸咁,又暈喎!但係套戲好好睇呀!!真係冇後悔,下一套想睇ga就係吖嬌做個套,係鬼戲嚟架,好似叫'犀照',2月16先上畫,好快咋,,好期待,唔知Janice幾時有佢第一部做ga戲呢?

睇完戲,我哋諗住搭MTR去旺角架,但係因為我突然好似透唔到氣咁,好想揾個位座吓,咁就搭咗個到ga綠VAN去咗慈雲山,但係我哋又唔熟個到,又唔知幾時落車,去到總站就落咗車喇!我哋去咗慈雲山中心,個到小野行到死,又熱喎!出咗去,見到一架紅VAN去旺角,點知佢又話唔經旺角,好彩問一問咋!then,就係咁行,但係個到人又冇,又熱,d車又唔去我哋想去ga地方,我哋行咗半個鐘先揾到車,then就去咗旺角行喇!真係倒霉呀,仲差d中暑添吖...

到到旺角,我哋即刻到咗仙跡岩到飲嘢,我同于于都飲咗杯珍珠奶茶,lee次係我第一次飲哂成杯咋!!我次次都係飲唔哂架...之後我哋去咗旺中睇牛仔褲,又係去旺中呀!今日多番小小人,琴日好似冇咁多人,我想買個條褲,仲未買吖,諗諗吓都係等爸爸買比我,同埋好多款都好好睇,仲睇啱埋件衫添呀!但係都冇乜邊到有帽買ga,有冇好介紹吖....

行完旺中,諗住行花園街或者女人街,點知行咗波鞋街,咁就順便睇ALL-STAR喇!我睇咗好多,間間都差唔多,價錢都係...但係爸爸話要過咗新年先買得,咁就啱哂,將鞋,衫,帽,褲一次過買哂,唔洗咁煩

我真係覺得自己冇哂私隱,我已經特登將d嘢鎖哂係個櫃到,我仲將條鎖匙收到好埋,佢應該唔會揾到,點知佢將d利是錢擺哂係個個櫃到,我知道咗真係覺得好嬲吖,我家姐知道咗,佢仲嬲過我,我d信d簿全部擺哂係入面,點知佢有冇攞嚟睇,就連家姐d嘢都係埋入面,我真係覺得就算佢係我媽咪,都唔應該亂開我個櫃,真係好嬲囉!!

算啦!我都唔想搞到大家d關係咁差,但係真係唔想佢問都唔問就搞我d嘢,同埋睇我d嘢囉!佢同家姐d關係咁差就係一個例子喇!