今日係星期五,又一個星期喇!今日都過得ok啦~

今日lunch之前好開心,因為有joanna,佢今日真係好搞笑呀,佢做親d咩,我都笑到收唔到聲,好奈未試過咁開心啦!!但係到咗lunch我就有d唔開心啦!我番到學校,我一直忍,真係忍得好辛苦呀!我落去lock完書,我就去咗toilet,我竟然哭咗出嚟呀!我唔知點解我會咁,其實好小事,我都可以哭,我覺得自己真係好無用呀!!其實都唔算有d架,我真係由升中以嚟,從來未試過咁嬲,真係好嬲,但係同joanna講咗一陣嘢,我成個人都開心番哂!!kelly都識得安慰我,多謝你呀!

到咗體育堂,都係最好笑ga一堂,我哋打pung ping ball,真係笑到我碌地呀,呀簡仲笑到瞓埋係地下添呀!真係玩得好開心呀!joanna又係咁係到唱男低音,真係好低呀!好好笑.....

我覺得我哋ga關係變咗好多呀!我最唔想見到ga嘢,終於發生咗喇!!

放學去到家姐到,仲以為又係白去,落番去個陣,就見到佢哋,放低咗個書包,就去咗訂蛋糕,我哋得三個人,但係我訂咗個兩磅ga蛋糕,我想改番一磅架,但係個個人好似唔係好想咁,咁就算啦!!鬼叫係Ruby生日咩,同佢咁老死,冇計啦!!....加埋lee個蛋糕,再一次證明我係無用啦!!真係覺得自己好失敗呀!連搞個生日會都搞成咁,Ruby可能留係屋企仲開心d呀!!真係好對唔住Ruby呀!~

係家姐到,我係咁頌恩,同埋樂天玩,真係笑死我呀!!樂天好可愛呀,但係佢係咁用隻腳踩妹妹,但係妹妹無乜反抗ga跡象,真係好好笑呀!妹妹真係好得意呀,望住佢,佢就會笑架喇!!6點幾同咗樂天,頌恩去咗wellcome,樂天係咁囉哂d萍果嚟食,真係激死喇,d apple仲要未比錢架...then我買咗少少嘢食,係for聽日佢哋上嚟ga...但係我屋企真係冇乜嘢玩,都唔知佢哋上咗嚟一陣,會唔會叫走架??我哋行咗成個半鐘,但係行嚟行去,都係行個到,行到妹妹都睇著呀!!番到去,玩玩玩....玩到10點幾到,我先番屋企,但係唔知點解,樂天越夜越興奮,我哋玩到真係好激呀...跑嚟跑去,出哂汗呀!!