今日係星期五,係家長日.....好過上年,但係都係差架喇......但係Miss Yuen話我都ok喎!!希望下次會再好d啦!!

攞完成績表,番到屋企就online喇!!好多人問我呀....真係從未咁壯觀呀!!我又同joanna,happy仔,kelly....傾計,kelly終於明白我ga感受喇...我唔知佢係咪真係明,但係至少佢有諗過係幫我,好多謝你呀!!但係個事實真係唔會改變架喇,thx a lot!!~

一點幾咗又,同爸爸,家姐去飲茶,我都未食飽,佢哋就話走喇,算啦,仲可以比我屈佢哋買嘢比我食,我唔會計較lee d嘢架......番到家姐屋企,餵妹妹飲完奶,又要哄佢瞓,但係今日唔係一個字,佢就瞓著咗喇,點知我自己又瞓埋,睇到7:00,妹妹吵醒咗我,點知樂天又醒埋,想瞓多陣都唔得,then我哋8:00左右,落咗去買M記,買完去咗wellcome,我買咗沙律醬,諗住今晚整salad.....希望比上次進步啦!!

番到屋企,都成9:30左右喇,我同樂天同頌恩妹玩得好激呀!!樂天真係慘慘呀,又比人恐嚇喇,佢爬上張枱到,家姐叫佢落番去,佢又唔肯落,但係又好好笑,今次家姐用枝竹指住佢,佢都唔驚喎,其實係因為我,我見佢成日比人打咁慘,我就平時攞個枝竹同佢玩,佢就唔驚喇,但係比家姐嚇多幾嚇,佢又好驚喇!!家姐問佢係咪跌落地,佢竟然點頭,笑到我哋收唔到聲呀!!宜加樂天同埋頌恩越嚟越可愛呀,成日都搞到我笑到肚痛,頌恩妹佢成日扮好叻咁,唔係人扶企係到,點知成日撞親個頭,又喊,又撒嬌,樂天都好鍾意咁做架,自己特登撞到,之後又係到喊,又撒嬌,但係好厲害,佢又有眼淚架喎!!

10:30左右我自己一個行路番屋企,但係唔知點解今日我覺得好恐怖呀,我唔知係自己覺得or真係有聲呀,我總覺得附近有d腳步聲,但係我又唔敢望向後面,周圍又冇人,真係好恐怖呀!!我有d想喊ga感覺...真係好驚呀!!都唔知點解咁多人夠膽咁late先番屋企架...