九月一，莘莘學子趕住返學，我就係八點幾已經捕住個電腦，一到九點半，即時drop走宋詞等add科。之後再refresh，宋詞既學額仍然係0，心諗你係咪玩野，明明放走左你應該有1個位剩姐。咁算，我等呀等，等到十二點，終於俾我見到史記有1個位剩，我開心到叫出黎，即係add左佢。無耐海棠online，佢話個system係即時顯示，咁即係話，當我係九時三十分一秒drop走宋詞，某君係九時三十分一點五秒，以光速add走宋詞，等我係九時三十分二秒個時，宋詞既學額已經變返做0。
其實我真係想識呢位同學。

又無耐，同jan msn，佢話要等到pharse2先可以搞add drop，原來係冇交到輔導表。簡直係荒謬，我唔知輔導表同add drop有咩關係，要交左先可以開到個account既。jan比嬋嬋更凄慘，係2個堯堯加1個根根再加1個說文解字，全天下最終極無敵既組合比佢reg到，絕對稱得上係一個壯舉。

其實我想再drop走另一個major，但咁樣做就要24小時補住部腦，不停F5再F5，F5到你暈都未必有得add。除非我take杜甫詩，講真佢都幾威，所有course都full，但佢既剩餘學額仍然係以直線上升，可喜可賀真係。