今日朝頭早食左久違未食既 蒜蓉包 ...真係好耐未食,好正,可惜有蒜蓉的部份只係包既4份之3部份

今日番學得到一個壞消息,我個fd唔再買我d飯...因為佢11月訂飯了!咁即係每日少左15蚊用.我阿媽每日比15蚊我,6蚊搭車,每日得9蚊用

平時就24蚊,呢家要變番9蚊..我儲錢買ndsl既目標又遇到困難了

唉~屋企d經濟環境已經好差,我個on9老豆唔會養個家,唔會出錢交 電費水費煤氣費 等等 . 呢家加加埋埋$5xxx

我阿媽每個月人工有$7000~8000咋. 而我on9老豆,每日番到屋企只係攤響張沙發到,望住部電腦,又望電視,成個廳佢霸哂!!好賤又扔我隻寵物,我隻龜養左半年,好有感情,一句唔鍾意就扔,食屎狗!剪我電腦條線,話我打機打散頭家,我由8歲開始打機,唔通8歲頭家就散?明明係佢自己2年前失業,之後脾氣變得勁燥,一出糧就囉哂d錢去賭,賭賭賭,呢家最大問題係佢

離婚 --- 唔錯選擇,佢呢家已經唔出錢養個家,只好迫佢比錢,因為離婚之後佢要比 膳養費 !! ($4000~5000)

我地成家人(我,家姐,媽咪)搬去住公屋($1000~2000),媽咪人工($7000~8000),膳養費($4000~5000)

我全部計中間數,即係$12000,夠做啦!

講左成堆唔關今日既事...今日我放學,去表哥屋企玩左一陣cs,還漫畫,之後去左[朋友仔]食冷麵.

食完冷麵就搭巴士(順帶一題,我自己一個搭巴士既次數用一隻手數得哂,今次真係好刺激!)

番到屋企,打呢篇日誌

~完~