2007/06/18:

朝早一起身就走左去剪頭髮,平日幫我剪開o果個姨姨今日放假,

咁咪叫左個肥佬幫我剪~

今次我下定決心終於剪鬼左條尾去.......好唔捨得呀~~~

剪完之後就返左屋企繼續執屋~今日終於都執完~~~

加加埋埋呢次執屋總共掉左十幾袋垃圾~~~~~厲害

跟住夜晚同銘,肥恆,英英,叉叉,happy,泉泉,狗仔去左fit江屋企玩&飲酒~~~

除左fit江之外全部人連我都差唔多飲醉晒,

由其係泉泉醉得特別勁~~只不過係一支茲華氏同紅酒就已經搞掂晒我o地~有少少覺得失敗tim

2007/06/19:

飲到第二朝6點幾我同銘&fit江叫媽媽佢o地走先等我o地搞掂泉泉~

我o地搞掂左泉泉隻醉貓之後都8點鐘,

跟住我同銘就落返荃灣食早餐~

食完就緊係搭車返屋企啦~

就係等車o果殺那,我其實都未完全醉醒,咁我諗住點支煙食啦~

食食下突然感覺到有人啤住我,跟住我就見到我兩個幼童軍同佢o地媽媽係我面前行過~

佢o地媽媽係咁啤左我兩至三秒就行過左,之後當我回一回神之後就深知不妙喇~~~

我係d幼童軍家長心目中o既形象無喇~~~~~

估唔到呢家d人會咁就一家大細出街,

真係千年道行一朝......唉.......

返到屋企訓唔夠一個鐘啊文就打o黎叫去食飯跟住上民度開會~~

上到民度有兩條友居然仲未到喎~~等左佢o地差唔多成粒鐘先到~~~~

跟住同佢o地開左一陣關於主席盾同行事歷o既會之後就開枱打雀~~~

一打就打到8點幾,之後就同左文&民&民爸爸一齊去左打邊爐~~

打完邊爐就返左屋企lu......