今日係10月2日,

好早起身呀...

我5點9就醒左...

點解呢.. 因為要去賣旗!

得閒做下D慈善活動,

幫助下D有需要既人...

大家係唔係覺得我好有善心呢? ..xp

我記得我上次賣旗已經係小4既時候喇...

jer驥, jer軒, 我, 許家杰, 黃健恩,黃樂賢, 仲有高大健碩既黎曉峰一齊搭MTR去旺角..

去到大約7點15分度啦..

條街都唔係太少人...

起初我同kit一組既...

之後都分開左... 容易搵食D ma...

都有好多人賣旗,

好似計埋我地, 有3-4間中學都賣,

仲有一D公眾人士添..

到9點幾, 黎曉峰打嚟話佢已經賣曬5張貼紙..

嗰時我仲係賣緊第4張炸, 佢好快呀...

其實我覺得佢係用佢龐大既身軀去恐嚇D人去買旗,

D路人見到佢健碩既身型都唔敢唔買啦xpxp,

唔怪得佢唔快賣完啦xd

我同kit兜左好多個圈幾經辛苦終於賣曬,

我有3個人都捐$20 xd

之後就去銀行, 交番個旗袋仔.

有一張"感謝狀"呀, 好開心呀... ←orz

系條街度企左咁耐都係值得既.!

企到腳仔都軟曬呀陰公....

到大家賣曬之後去食野...

之後黃健恩走左,

3張+黎曉峰一齊去睇戲,

套戲叫做"狄仁傑之通天帝國",

都幾好睇, 係古裝版既神探伽俐略 !!

最後就回家去...

等我打完之後要訓番一陣先, 累死xp

我發覺今日我賣既旗好多都係比D伯伯婆婆既...

而條街都有唔少穿西裝既人, 但係好多都唔理/唔買.

相反, D公公婆婆就好有善心..

咩D知識分子唔係應該更有善心, 更會幫助其他人既咩?

我唔知佢地係趕時間定係冇帶硬幣啦...

不過如果我係佢地, 見到有人賣旗,

我一定會買!!!xd