尋晚都唔知發生咩事~~點都訓唔着~輾轉反側好多次都係咁= ="
深夜中~唱住"wo.......無心睡眠"(純粹講笑= =)
今日同往常一樣番到學校 唔知點解今日個早會短講係我有史以來最留心聽既一次
講既題目好有哲理~~~
早讀>睇完肥輝借俾我本書(其實已經喺兩日前睇完 只係今日還= =")
本書叫"書虫的少年時代" 幾好睇~~喺講一個頹廢青年在網上面識左個女仔~
佢明白到只有讀好書先可以同佢拉近距離~~之後就發奮圖強 最後喺happy ending
唔錯~~個作者d比喻真係一流 而且佢將結果收藏~~真係高明>.<
第一堂 社會
最眼訓既一堂 喺到講埋哂d人口~~悶到嘔 都唔明d人點讀~下次輪到我短講(對我黎講"so easy")
第二堂 科學
張sir唔派卷~而且睇佢平時傻下傻下 估唔到佢今次咁醒 竟然知道我地班大部分人出貓= ="
雖然俾我串左一句挽回劣勢~但最後都避唔開佢精明既頭腦(都唔算精明既~~~)
笫三堂 體育
由於落雨 所以打badminton 大風同唔順手既關係~最後打左兩局就唔玩!!
lunch同平時一樣落去飲野~~校園個廣播我聽黎聽去都唔知佢講咩~
直到番上去先知佢講緊新聞~真失敗.........
第四堂 英文
miss chan點完名後竟然攞英文大我~~而我根本都唔知佢講乜= ="
英文又上Mr.Robinson堂(唔知係未咁串呢!= =")上佢堂就喺做oral
我發覺佢好似有d問題 有幾次我明明都冇講野 但佢次次都叫我"MATT,you should keep quiet"
第五堂 數學
我發覺今次數學d數易過之前好多~~我計岩好多題~哈哈!!
聽日三科測驗集合於身~~數學 科學 中文(中文唔算測驗 只係普通默書 但冇理由要佢咁寂寞架= =")
除左測驗之外 仲有大佬生 臭漢同肥輝唱歌 我比較想聽頭兩個~~
希望佢地兩個聽日演出成功la~~~~
| 
