今日係放假既第三日~~~都係個句"悶"
尋日唔知係未老豆自己番左大陸 老母今日好鬼燥
我一起身就喺到鬧我同啊哥 我發覺老母愈來愈多白髮
而且仲每日奔波勞碌 真係有d對唔住佢~~
老母走左之後 屋企又變得冷冷清清~~
然而啊哥由於會考關係 攞哂d書出黎溫~~
無聊既我又打真三 用太史差d俾人屈死(注:我玩最難關卡)
最後都化險為夷~殺到片甲不留 哈哈~~
啊哥唔知係未見我咁勁 無端端玩埋一份= ="
佢用呂布玩修羅模式(e個模式冇野補充血) 雖然俾4個武將圍毆~
但仍然立於不敗之地~~雖然更使出一招暗箭傷人擊敗敵方 e招真高明= ="
但最後過左29關後仍然戰敗~~~之後佢就冇再掂d書= = 都唔知佢d恆心去左邊
仲記得上年我家姐會考 我啊哥同佢講話 "睇住黎 我會考一定高分過你"
最後我家姐原本16分 但校方有科唔計佢 so變得13分!!
我做莊 買我啊哥輸~~哈哈!
今日仲有一件事 就係做左大個仔la~~
我所講既大個仔唔係嗰d野~係我家姐由於尋日去人屋企過夜
帶左幾罐啤酒番黎~啊哥開左罐黎飲 好奇心驅使我飲左幾啖!!發覺原來係好鬼難飲>.<
最後罐野原封不動咁放左係廚房~~
老母番黎後聽到啊哥同我飲啤酒鬧都冇鬧 睇黎係老母心目中我地已經唔再係細佬仔
難免有d感觸~~~
| 
