今日由於會考關係 所以放假1天~~
尋日話明11點先落去踢波~但今日太早起身~
8點就起左= =玩一玩電腦 之後沖個涼 途中又有人打俾我~
都係同樣個一句~~之後聽一聽歌 10點就落去la~
去到球場 見佢地計緊唔知咩分 原來多左新玩法~
入球1分 助功0.5分 撲波0.5分
所以做守門員最易賺~至於最低分個位 就要做掌上壓20下
最好笑就係青子每次都要做~~之後我地去食野 同樣又係一d M記 一d美心
今次去M記 田田出去洗手個陣 做d變態野= ="
食完之後我地係度講拍片 有兩套:
(一)猩猩狂戰士>話說中美戰爭 中國面臨崩漬危險 但當派猩猩狂戰士(田田)
情況180度扭轉~當行行下個陣 青輝問"唔驚俾田田聽到呀"
我地當然等佢不在時先講la 但青輝一講"佢係後面"之後就撞左落條柱度~
哈哈 笑死人la~
(二)死亡日記3>隻豬每寫一個名落去佢本日記就會死 d氣氛仲要搞到好恐怖添~
我地上左七人踢波 嘩嘩!!中暑la 熱到嘔 不過最後都10:0贏左~~
買野飲個陣 我同大佬生見到一個坐輪椅既人 見到佢非常辛苦
買完野飲仲見佢係好遠位置 我同大佬生想幫手 但唔知點好意思~
最後我問佢"駛唔駛幫手" 佢話唔駛~之後俾濤話我扮哂好人"
乜我平時好衰咩= =~~~
其後太熱關係 就上左青子屋企玩 佢地玩winning 不過勁lag= ="
我同大佬生睇碟 開頭睇"恐懼鬥室" 之後睇"精裝追女仔"
4點就走人lu~~落到去就玩馬騮搶球 之後鬥波 番屋企
番到屋企睇一睇電視 無聊中睇手冊 數日子 真係得番28日上課天
聽日輝爺搞生日party~~行程:中午又係踢波 夜晚唱k
應該幾好玩~家下好累呢~~
| 
