今日係中3最後一日
尋晚訓唔着~同濤傾msn 講左好多以前野
懷念番一d大事~
番到學校同往時一樣 仲諗緊有排過~
上到課室 吹水~派成績表 哈哈 冇一科唔合格
雖然落敗 履行唔到承諾 不過都算數了~
失敗證明左自己唔掂~況且太驕傲 不過最估唔到都係名次
我好多都唔掂 都有27名= ="無言...........
評語:伶俐守規 用心於學
哈哈~有點兒老套 不過幾好 我鍾意!!
之後落hall頒獎 悶爆 不過時間唔知點解過得好快
可能坐最後 同張sir吹水 我地話佢紋身@.@
之後warner話張sir紋隻老虎係個屁股度 笑死!!
不過校長講野真係好悶 每當佢講完 都會有強烈既拍掌聲
其實只係佢終於能夠講完而已= =~~
就咁中3最後一日就完左喇~~最後都講左句:再見
原本田田話請miss食飯 不過miss唔得閒
我地就去食飯~~途中 見到一個類似中1既男仔染髮
扮哂型咁 真係想鬧佢 家下d細路真係垃圾
見到一個師奶為左省$4 叫個女去換校服
最後個師奶走左~~
搭lift個陣 我見到一樣我最火滾既野
當時我入緊lift 有5個女仔無端端走入黎
仲要猛禁個制 同講快d閂門 我唔知佢做咩
於是睇下出面 見到一個智障人士 頂!!
我最憎d人岐視人 勁想鬧佢地~~
中3最後一日都差唔多完結了~好似要唱k
錢問題要解決呢!!
稍後會打感想,往事,3F同學感想
仲叫左臭漢幫我地整一個特輯
最後我係度講一句:再見了 3F!!!
| 
