每個人/一樣野都會有自己既往事
我地3F都係一樣~同樣有着深厚既回憶
中一 我地屬於籃球型 因為我地每次放學或放假都會去打波
有一次 直頭落雨 但我地仍然去打波~搞到成身濕哂
都幾過癮架~~我記得我同田田搶波 我整到佢仆
哈哈 第1次贏田田 超開心~
我地幾乎日日都打咁滯 而我地都有一個老地方
我地以前打波成日都換場 不過最後都選擇左老地方
我仲記得果陣個場直頭冇人架~打到7,8點都冇咩人
所以我地先會揀~不過打耐左 人亦都多左
我地冇打之後 直到依家 相比之下 已經比之前少左好多人了!!
當然我地係老地方都曾經相識過一D人la~
中一時期 我地認識左啊強 佢打波好搞笑架
成日同佢打波都好開心 有時候佢D動作直頭笑死
仲記得有次同佢鬥波 佢係度扭屎忽 又要講埋D好笑野
不過由於佢原本係雙失 當佢搵到野做後 就冇再黎過了.......
我地之後為了應付考試都停左打波~~
不過我有時候番學途中都會見到啊強佢搭巴士的~
對於老地方 的確仲有好多回憶 當中我地亦識到啊姨
啊姨 佢係成日都買野飲俾我地的人 以前佢都有熟食買
不過唔知幾時佢唔買 只買野飲!!幾乎每日啊姨都會等我地黎老地方打波
所以我地都認得佢 有時候有講有笑~
最記得一次因為啊姨冇再買熟食 所以我地就只有行遠D去魚蛋檔到
我個陣買左條$2腸仔 我見到佢叉到就掉 想提一提佢
不過都算~但點知當我咬左一啖之後 就成條掉左落地
如果係你 你都一定會講依句說話:Oh.....shit 真係入心入肺呢>.<
個陣濤係我隔離 佢直頭笑到死咁滯 好彩個魚蛋婆俾多條我
真係好人 事後被濤唱衰我 話我掉左條腸 就同個魚蛋婆理論
"你叉得唔好先令我掉左條腸" 講到我成個衰人咁= ="
講番啊姨 自從有人掃檔後 啊姨都冇再推車仔落黎了~
對於老地方都差不多告一段落~家下要講book場打波
時間已經唔記得la(sor......> <)不過都可以講下
個陣大家約埋一齊去打波 每人都係$5 哈哈~
我個陣咩都唔識 所以成日都係籮底橙 不過依次都有d出色表現
當中最搞笑就係肥滇 我地個個着哂波鞋 但只得肥滇佢一個着拖鞋
最後當然俾人趕走叫佢番屋企換鞋 哈哈~
如果中1的大型活動就係去迎接奧運健兒
得我地班去~個陣 雖然冇咩出名既人 但都幾happy
因為起碼唔駛上堂~到依家我老豆仲用緊個時俾既鎖匙扣
中二 去到中2 我坐係濤隔離 由於濤佢睇緊"海闊天空"
無端端唱起羅文既"前程錦鏽"之後就開始左我 濤 warner 3個既演唱會
仲改左個名叫"LT2"不過其實我地第一次出去唱歌在音樂堂
個陣唱"鼓舞"唔知邊個好興奮話要出去唱 所以先有LT2
不過之後由於調左位 都冇再一齊表現了~況且濤佢有心理壓力
被人叫"收X" 哈哈 從此不再踏足樂壇~~LT2亦都正式解散
至於我地開始轉型足球 就係在旅行當日 當日唔知邊個話想踢波
所以就BOOK左場 踢踢下 個個都好鬼興奮 從個日起我地就踢波了
而我地個剛龍 都係個一日誕生~~
我地雖然都會去老地方 不過變左隔離細場 由於仲有D人打波
所以得閒時都會走過去玩~不過慢慢都開始放棄籃球
當時 我 康 勇 3個被封為最佳後衛 因為我有份幹勁 擋波 同頂波
我頂波真係好勁架 一出道 踢大場 就頂入左~係未好勁先
其實我頂入係自己龍= ="仲要死角添
好多人都話我 你射自己龍就咁勁 射人地就咁差 我都覺得係= =
大大話話 我已經入左好多球濤了 全部都係烏龍波~
有時候 大佬生都會鬧我 因為我搶先佢入波= ="
不過我都勁左 烏龍球好少見到~講踢波 就要講去橫台山
我地第一次去橫台山就係輝爺生日 唔知邊個提出話BBQ加踢波
第一次去 感覺上唔錯 可以話正 因為兩隊都好盡力~
所以好精采~~之後幾次去橫台山都唔再好玩 完全冇癮
我印象中 我最豪一次就係自己去橫台山 個陣落到狗屎咁大雨
我應承左大佬生話要去踢波 所以唔可以放飛機~~
於是我自己去橫台山 我飛的去球場 唔好話唔堅~~
諗番都肉赤= ="如果我冇記錯 一開頭 新會唔會搞班際足球
我地叫kai子陳搞先有 個次亦都係我人生中第1次有獎牌
雖然冇落場~但都開心 班際方面 得亞軍 輸1:0比D班
足球講完 就要講下班中活動 中2有一日要做義工日
分開2個 探老人 照顧BB 我係探老人 去個陣
田田又搞野LA 佢一跳 頂爆左個燈 但佢個頭冇事wo ^ ^
搞左一大輛野 終於可以回程 當落車個陣 隻豬整爆左人地張椅子
勁搞野~哈哈
中2期間 出得最多次街都係BBQ 幾乎次次有活動都係
有一次直頭玩弄人落水 濕哂呢!!
之後我地開左一個青壇 依個青壇都算失敗 一共開左3次(計埋中3)
第一次搞得好地地 但無端端關壇
第2次 邊有人仲上 所以都倒閉左~
第3次(中3)無端端話有人檢查 之後關左 俾左錢都咁煩
青子唔掂呀~~
我好記得中2仲有一樣野要講 就係包書 唔識包
所以好核突 幾乎想走添 不過最後MISS講食野 都好D
仲有一次 就係幫手貼POSTER 最後MISS請食PIZZA HUT
MISS LAI超豪 俾金card~~哈哈
中三 中3一開學 可以話超多活動 直頭一星期出2次
我地又唱K 碌ling BBQ等等.........咁到我D開支完全出哂預算
差不多被老母鬧左好多次~首先講碌ling 我暑假活動曾經入過決賽
但竟然英雄無用武之地= =~完全落敗 輸左要請野飲
我好似輸左 唔記得有冇請了~
之後為左幫李思琼佢送行 我地去唱k 不過由於有人要早d番屋企關係
所以好不愉快咁結束左~
有一日 田田話要打邊爐 所以我地就上佢田景間屋企打
好開心呢~因為我地可以打青輝一身 而且仲有野食
我地見悶悶地 所以就做個人肉電視 印象中最深刻都係濤
因為佢一野就整到田田流血 成條痕 但係竟然冇人理佢
反而問青輝佢有冇事(佢當時都整傷)笑爆~
我地嘔打青輝途中 有人出到胡椒粉 嘩嘩嘩 輝爺一野整落我隻眼度
痛爆~講起打邊爐 之前都有一次 不過得我同濤2個食
所以都冇咩值得講 值得講就係 欠人錢 足足好耐先還清
我一生中最唔想欠人錢就係濤 有一次 啤梨話唱k
約埋佢條仔 埋單個陣 我以為帶$120好醒 平時都係差唔多
竟然$170 迫不得意要問濤 條友又再次唱衰我
所以我發誓唔再欠佢錢~~
我地今年中3俾人叫我地學界幫手 每人$50
哈哈~幾好玩 我負責跳遠 同warner一齊度距離
不過我讀錯音 俾人笑 連啊sir miss都係
佢仲教我點讀 雖然好辛苦 但我工作個度好愉快
連大佬生黎幫手都話好玩~又搞笑 哈哈
不過最搞笑係田田 田田同d人吹水 吹到自己中五
個人信喎 但最搞笑係田田指住周x汭講(最細粒的)
"唔知點解呢?連小學生都有份幫手"
條友就話:係喎!!點解既?
哈哈~回程 俾miss留 不過搞到係度講笑
聖誕聯歡前夕 原本想留一個美好回憶 不斷唱"友共情"
但竟然取消左 得番個咩"聖誕曲奇歌"不過練左咁耐
冇理由唔表演 終於到上左台 表現完 幾好玩~~
到2月幾 突然有個唔知咩英文合唱 要我去
基本上唔駛唱 哈哈~原本以為完 點知仲有個咩同石修個仔合唱
仲要企正第一排 加會有tvb黎拍= =~死得
個日 鍾副校請食野 表演完一場後 仲有一場 死得
最後都ok既~幾日後 我睇"東張西望"竟然有個場表演
哈哈 只係影到少少~good呀!!
下學期 多數男仔搞活動 所以冇咩野打
不過濤生日幾開心 雖然唱k 不過個個唱到high哂
超正 仲有蛋糕同香檳~超開心
希望大家友誼永固la~~~~~
全篇完
| 
