第2日
其實都唔知點分d日子好
因為我地成班友仔完全冇訓覺
通頂睇日出~~
我地玩完抽大小後.....差不多5點幾就出發去睇日出lu
5點幾個天開始光了~
而我地由渡假屋行去東堤度 都差不多用左10分鐘
由於輝爺老豆要番工關係 所以要走先~
而表妹就因為要訓覺 都唔可以同我地一齊去睇日出
我地去到沙灘 d水涼到 成個人都醒哂= ="
根據天文台消息 太陽出黎既時間大約5點45分
而我地就係度等太陽出來~~
2張係分開左幾分鐘時間先影既~
但差別其實不大 只係一張比較光d咁= ="
我地之後搵人幫我地影左張大合照 張相係青子度
我地之後又無無聊聊咁浸下自己隻腳~
我個名呀!!= ="自己整 都幾有意思>.<...哈哈
不過係青輝整先既~之後個個都跟住做
玩玩下 個太陽都差唔多出哂黎la
影得好似日落lo= =".......睇下個太陽幾黃
sorry!!影得1張 不過其他人仲有~
好lu!好lu! 差不多要回去了
大家對拖鞋全部都係沙 真係寸步難行
不過都有價值既~~番到渡假屋 大家就睇新聞
等到表妹醒左之後就落去食早餐lu~~
大大話話行左條長命梯級都好多次 真係行到冇哂第1次個種累= =
俗語有云:上山容易落山難 但今次我就認為:落山容易上山難
岩岩相反 真係唔知講咩好= ="~~~
行左陣 終於決定是但一間~況且侍應主動叫我地入去
是但要左個早餐~最唔明就係野飲明明我叫先 但最後先到我= ="
依個餐唔係我食既~人地影 覺得有d意思
況且有圖好過冇圖~~食1個早餐 我地班人有爆發笑料
個陣叫野飲 青子佢叫左杯熱奶茶 而表妹就涷奶茶
青子佢拎左表妹杯野飲當正自己~差d飲左落去
好彩我地問佢先知~不過當然俾我地成班人唱衰佢
我地話佢:駛唔駛咁省家 涷飲$2都俾唔起
好笑d都仲有 不過我坐得遠 唔多聽得清楚= =
食完早餐又再次行番上去lu~佢地又打麻雀
有一d人因為太眼訓關係要去訓 我都想訓 不過冇睡意
所以去睇肥滇打牌 超搞笑wo~~
諗住佢地已經會和局 點知差不多最後幾隻個陣 佢打出隻六筒
依隻六筒巴閉lu~正正一炮三響 仲要勁樣衰 就連青子都食到
青子佢不嬲大相公 哈哈~我之後諗住抖一抖 不過上左天台影相先
環境唔錯bo~~的確幾好
影完去抖抖 點知想合埋眼個陣 俾人整醒左= =
話去踩單車 我都唔識踩 不過都要頂硬上 到時先學都未遲~
自己慢慢學~好多謝各位俾提示我 同等埋我
不過始終都唔得 平衡唔到~不過都有幾次我係得左
雖然我叫你地唔駛理我 自己一個都搞得掂
但其實全部人走哂之後 我都幾寂寞~
"受過傷先知道要堅強" "失敗只證明左一點 就是對成功的決心還未夠"
最後訓覺班人都黎左~得肥滇同我一樣唔識
不過遺憾的是佢學識左 又得番我1個了.............>.<~
回望著肥滇離去 感覺上已經失去左一種支撐~
休息個陣 我望住部單車一個人發呆 我相信遲早一定識踩
隨後去還車 佢地話要踩番去wo~
勇伯超勁 佢自己拎部單車上山 不過最後幾步先抽筋
我見佢咁辛苦 幫佢拎埋 報答佢陪我踩單車
5點就去游水~我唔想游 太過累 況且唔想再曬
坐係沙灘度 我都差d訓著~
6點半大家都唔游 決定今晚個餐點 肥滇話親自下廚wo
佢同青子合拍煮飯 應該冇咩大問題~~
決定用番bbq食剩既野黎煮~
不過要買番d油 蛋 野飲.......冇游水d人去買
街市都有2層 d建設真係得意= ="
買完之後 諗住等青子佢地煮~點知d排全部"縮"哂
唔食得 要買過新~最後決定由沖完涼d人去
聽講臭漢回程個陣見到d骯髒野~我覺得多數幻覺或d光折射問題
肥滇佢地煮飯 我地就吹下水 駱駝拎d報紙睇 睇左一個廣告
成人野黎= ="最好笑就係濤 佢讀d內容出黎 點知角度問題
將個"咸"讀成"威" 天天不同中外威片 哈哈~~
班友仔搞到廚房勁大煙 到食飯個陣 嘩~嘩~嘩~d魚蛋直頭黑哂- -
不過食落去又ok得~真係無言= =
至於d排 就"生中帶熟 熟中帶生" 真係高境界
不過整體上都ok~食唔死人 見得下人咁= =
食完之後 肥滇話要夾番錢 每人$13
絛友仔又再次出術 竟然狗到扮將d錢弄掉 之後就同我地講唔夠數
但其實係自己從中落格 真係卑鄙= =~
不過又係我地老屈佢既 哈哈~
之後個個都累 開始訓覺了~
臭漢好似帶頭訓先~~
我都稍微抖抖 不過隱約中聽到佢地講"歲月風雲"
講d情節好白痴 其餘野都聽唔清~
做完就熄燈訓覺lu~~
第2日完
-待續-
檢討:今日雖然d活動唔多利我 不過我都有嘗試去玩
