第4日
今日要回程lu~
總覺得時間過得好快 咁快就玩左3日
通頂關係 實在太過累了~所以都冇去到游水
上房訓陣 訓覺有我 滇 濤 同康
其餘人就去左游水~訓下醒下 都訓到12點幾= ="
落到去見到佢地都番左黎訓~
我地刷牙洗完面後就諗住落去食野~
臨出門個陣 肥滇見到上面門鈴 佢就多手去禁
點知發出勁嘈既聲 差d整醒哂全部人 好彩冇咩事= ="
是但一間 大家講下之後既事 中四之後點樣??
康佢點??依d問題其實都問左好多次 不過每次講親都吹到好多
食完野我地就番上去 我就影下相咁 冇咩野做~~~
幾驚冇人開門俾我地......好彩大佬恒醒左
隨後個個都醒哂~都差唔多時間要走了
大家收拾好d野後 我地就留低輝爺一個人了
因為佢要住7日 所以唔陪得我地一齊走~~~
我地今次真係要對長命梯級講聲"再見了"
足足行左10幾次 終於都唔駛再上上落落去行依條梯級
我地下左山後 又食"菠蘿冰" 之後就真係要走人lu
行到碼頭 今次我地搭快船 所以時間比較趕左d
況且有d人未食野 買完之後都差唔多要開船~~
基本上快船好定 唔錯!!但我鍾意吹風個種感覺
大概半個鍾都冇就已經到達了~我地行去巴士站
由於臭漢同大佬恒唔係住良景 所以就同佢地道別了
上車之後 聽陣歌 累得滯 訓左陣 醒左之後都已經番到屯門
我同康係新圍落左車 番到屋企 沖左個涼就訓覺了~~
長洲之行到依度亦都完結了................
題外篇
我發覺到長洲來來去去都係得2種車
一種就係我學極都唔識既"單車"
一種就係下面依種運貨既車
我地睇落去好似好易揸咁~因為我只係見到控制下面個制
唔係揸車個d咁樣= ="不過講真依d車好鬼臭
每次經過我地都有陣味(我唔知依d係咩味 唔知點形容好)
名正言順一幅"車頭相"
感想
今次長洲之行可以話幾好 唔錯~我地雖然唔多點行深入地方
不過都帶到種滿足既感覺!!至少我有好多野去嘗試過
雖然始終都係失敗而回 但付出過既努力同汗水都令我成長左少少
的確幾厚意義~或者你會問我"你玩過d咩??"
我都答唔到你 因為玩唔玩都冇咩重要!!
起碼今次長洲之行能夠帶俾我一個回憶
最後我好希望去多一次 或者會有更加多既事發生呢!!
長洲之行系列
-完-
| 
