今日11點幾俾臭漢call醒左
原來叫我落去踢波 我今日唔得 因為要出去同舅父母食飯
換好衫之後 1點幾就出去lu~
由於老豆要番工關係 抽唔到時間 而啊哥就話食自己
所以都只得我 家姐同啊媽出去~~~
搭巴士途中 一路聽歌 一路訓覺 估唔到咁快落車
我有3個舅父母 而我地要去就係大舅母(肥肥地)住既將軍澳
所以就轉地鐵到將軍澳 去到大舅母屋企 一入去通常都要我例行公事
講一句"舅父舅母"同埋祝賀說話~~
去到其實都係9坐 因為多數大人去打牌 我就坐係度望住部電視
望到眼訓= ="而d表哥姐就要出街或番工.........
咁多個舅父中 以前我最驚既都係我2舅父
聽啊媽講叫佢"牛佬"佢成日整我 周不時都會將d牙籤掟我
個陣仲細 所以都唔敢行埋佢度 而家我同佢平起平坐
有講有笑添~kakaka
坐到夜晚 就落去酒樓食飯(唔記得名)不過好似幾多人
食飯個陣 啊媽佢地又拎我出黎講 講到我一文不值 仲要好盡添
當我想夾餸個陣 細舅父佢又回想起以前d舊事
細細過個陣 由於仲細 唔識揸筷子 就被妯舅父見到 佢就同我講一大堆野
完全唔知佢講乜 之後就狂教我 點知學極都唔識~俾佢話左好耐 所以又d陰影= =
到依家我先改善番好~有時候出黎食餐飯 聽下啊媽佢地以前青春個陣d故事幾好
起碼我都有得笑 哈哈!!~~
食到10點幾 就走人lu 番到屋企 沖左個涼就訓 因為聽日係開學大日子呀!!///
| 
