一週記事
今個星期發生好多事
肥滇大戰廖伯 駱駝搞生日 打機 河馬約食飯 不能說的秘密-解
-肥滇大戰廖伯
講起就覺得好笑 當時肥滇坐我後面
咁個廖伯就要我地做數 我就唔知佢最後答案是否一定要寫x+1或x-1
問佢可唔可以寫簡寫喇~廖伯想答我個陣 肥滇就插把口黎
"書都唔駛咁寫啦" 廖伯就發火咁講"我教緊同學洗乜你多事"
肥滇就話"一場同學互相提點je" 廖伯終於爆了 大聲同肥滇講"你同我企起度"
肥滇好無奈咁企左起身 廖伯就繼續"我教同學做數 你咩料呀!!~~"
我就一路笑一路掩口 kakaka~當然最後廖伯收左火就同肥滇講"你下次唔好 同我坐低"
其後依句"你咩料呀"成為左好多人既口頭蟬~~~~
-駱駝搞生日
定於星期五同我生日行程一樣 不過唔同就係濤由於中左歲月風雲giv
所以佢好豪咁話請我地食飯 去珊瑚堡~~~
約人個度本身想低調d 所以唔想咁多人知濤請食飯
更加唔想人地好似"痴'餐咁款 只係想請平時玩開個d~~~
咁依次駱駝搞生日去就好多人
有駱駝 我 濤 滇 漢 樺 田田 楊可欣 康 樺 啤梨 嘉欣 warner 熹 輝爺
不過都係同上次一樣 有d食飯 有d唱k
鋸扒 最埋單比想像中平 唔知點解 唔理佢lu~~
其後就唱通頂 一開頭個個都唔唱 正經個陣又被田田嘈住哂
田田走左之後 我地就落去行下 因為判斷錯誤 我地就去m記商量
番到去 大家就開始玩 唱勁歌金曲搞笑版 哈哈~~
等到楊可欣走左 終於可以認真咁唱lu................
唱到厭就出去打winning 同臭漢隻揪 出乎意料之外咁贏9:1-0-
番到去埋單 每人$100 田田只係俾左$50就走人
唱到5點幾就訓左陣 6點走人 佢地話飲早茶 我同駱駝番屋企
-打機
我又再次打番機 仲幾投入添
因為我dl左隻戰爭game 可以訓練自己獨有的軍隊
同真三唔同就係多人圍你一定死 真三60個人圍我 我都可以一爆即贏
依個唔同 3個就能夠解決我 一d還擊力都冇= =
而且我幾鍾意佢騎馬種感覺 好有真實感~~~
當殺死超多人之後 我d武器同衫就會被血染紅 勁似殺人魔 kakaka
每次一打就會打成幾個鐘先停 都唔知被人鬧左幾多次~~~~
-河馬約食飯
早前聽其他人講 河馬話會搵一日同我地食飯
當然唔係大家食晚飯 只不過將lunch時間同我地一齊食
平時番屋企食既我 今日總算冇俾人話我怕事 都唔明怕事定義係咩= =?
上完堂 我地就行去大快活度等 點知河馬咁快就到左-0-
買完野食 d位都被人坐得七七八八 所以我地開多一行
各自各食野吹水 食完先抽d時間出黎大家一齊傾
田田d身體語言又黎啦 佢d動作真係好搞笑 次次講野身體某部分都會作出反應
大家起度扮 好輕鬆咁就過左依個lunch~~~~
-不能說的秘密(解)
上上下堂 gap熹無端端話去跑步 我當然會去la
同平時一樣8點良景ok等 去到見到得肥滇同駱駝
原來gap熹去左先 仲聽講話帶埋2條女黎- -我地都冇理
去到運動場 見唔到佢地 去左租locker先 出到黎見到gap熹同埋a班一個女仔
事情大約都估到d~不過都衝口而出問左句"gap熹約左你呀!!~~" 哈哈
大概大家都累 我先問一問佢 究竟去邊度咁大不了唔準講
佢就叫我睇下另一位女仔(應該係女仔..........)件衫就知
所有既迷底已經揭開!!~~~真正既原兇就係...................玩柔道
都唔明有咩野咁秘密= =打柔道未打lo 咁驚人知做咩
我真係估唔到個女仔竟然打柔道咁勁 真係睇唔出
下次激嬲佢未死得 一下咁就ko對手- - 唔何以講玩~~~
雖然只係純粹打柔道 不過對於我地心目中有另一個答案
而依個答案...............哈哈!!~~不能說的秘密
個人今天已更改打blog方式 唔會一日一篇 好似依篇咁只打大事同有趣事
而且逢星期日出版 同埋遲早要用英文寫日記關係 會嘗試用英文 敬請留意!!~~
| 
