今日好早起身~~
因為要去東平洲考察
東平洲位於香港地圖既最東面 對於屯門來說
簡直隔左一大段距離 可想而之 今次行程多麼遙遠!!~~
去到ok買件三文治 等埋濤就番學校出發
呢次人數得6個自己班- - 分別有我 濤 臭漢 brother 明哥同陳子祈
番到學校 見到一笑傾城 好彩唔係同我地一齊去東平洲je
見到一笑傾城 當然濤又再次話我鍾意佢 我要澄清一件事
我冇!!!!!!!!!!!唔好屈我
坐左一陣 朱sir走埋黎同我地講:買左野食同水未??
野食就買左 不過水就冇 朱sir就俾我地出去買
心諗都唔會用 不過最後都有買到.............................
上車了 等左咁耐 睇下先 現在報時 時間為:8點30分
第一個站 我地要去馬料水碼頭 途中 張繼雄老師發起一個問題
就是比較屯門工廠區與科學園之分別~~~~當然係超大分別
科學園又大又令- -"根本冇得比 其後仲有張繼雄老師提及既大T
那就是中大~~~~落車後 我地竟然見到張sir= =估唔到佢都會黎
依隻就係我地即將要乘坐既遊艇啦~~~~~
咁大個人第1次坐遊艇 感覺唔錯 坐船頭d海風吹埋黎超爽
我地玩下鋤大dee 食下野~遊艇上當然都聽下啊sir講地理d事物
從馬料水依度 可以睇到d出名既山 八仙嶺 馬鞍山..........
大概到達行程一半 我地就會經過一個名為赤洲既島嶼
根據啊sir所講 點解叫左赤洲呢?是因為依個洲上面既所有岩石全部都係紅色
顧名思義名為赤洲~~~過左赤洲次後 就會變得好大浪 因為已經冇哂山
仍然坐船頭既我地當然就同d浪搏鬥 開頭的確幾正 好似過山車 離心力好重
不過其後既浪直頭淺哂上黎 被迫番入船艙~~~~~
好了好了 終於到達左我地要去既目的地-東平洲 現時12點半
足足歷時3個小時先到達~入到岸 就已經有警察守住 當然唔會check我地
講起東平洲 聽啊sir講現時其實只得番1個人仲住緊 而且得2-3個警察看守
東平洲若果再上去的話 便會發覺 原來就係深圳 所以以前好多大陸人
就會千方百計游水偷渡到依度~~當然現在少之有少
東平洲亦成為旅遊景點~~~~好了上到岸 第1件事就係影張合照
其次就係講述我地要考察既地點.............
我地要環繞4分3個東平洲行 睇下地圖 發現件有趣事
竟然有隻四腳蛇係入面 究竟佢點樣走入去
明眼人睇得出 佢已經死左 不過死咁樣死法 確實令人不得其解
如果係鍾意石頭既話 我諗東平洲係一定會喜歡 因為依度實在太多石了
香港地遍地黃金 東平洲遍地石頭- -"
另外 仲有一樣比較多的就係依d類似梯級既岩層~~
而且唔講唔知 係好滑 乍看好似好睇唔出 不過唔摸唔知
依d叫珊瑚化石 個樣睇落好似骨= ="都幾特別的說
行行下石路 啊sir無端端叫停左我地 開頭都不以為然 以為唔俾行石路
點知原來前方有隻類似狗既屍體腐化 而且勁多屍蟲蠕動緊
場面超核突 第1次近距離見屍蟲~~~行到一d已經無人住既屋 打war game就正
隨後就見到天后官 稍微休息陣 落去就會到達第1個站-更樓石
更樓石係2座高既岩石 圖中所見 右手面比較容易上 至於左手就落山煩d
我地係度食三文治同休息 估唔到唔夠水飲- -
休息完後 就睇下野 原本行難過水 不過因潮漲關係 冇得行
有海膽呀!!~~~brother佢狂整斷d刺 哈哈
睇完之後 都要繼續出發 途中 張繼雄老師又講地理知識
佢話如果d樹有一d白色紋既野呢 代表空氣特別清新
行左好耐 我地終於征服左東平洲最高既山- -"~~~~~~~
感覺唔錯 哈哈~~沿途落山 就會到達第2個站-龍落水
點解叫龍落水 因為個山似隻龍 但係點睇都好 似龜多
可能原本叫龜落水 但係為左好聽d 所以變左叫龍落水
再繼續行 就會到最後一個站-斬頸洲
到之前有個分叉路 有d人終於頂唔順 所以留起度等
根據臭漢所講 係因為頭同尾之間依個部位少左一忽
好似被人斬左條頸咁 所以叫斬頸洲~~不過又根據brother所講既乜隙剎
依度都幾通風 超爽~~~~同張sir合照先........................
每一個人都擺左個pose 只係影到濤- -
沿途番去 終於都見到間士多了 當初濤話會好貴 一支水$15
原來唔係 都ok合理~~終於對於今次東干洲環島遊亦要結束
回程番去了~諗住上船個陣 竟然有隻船塞左個位 咁張繼雄老師落去講數
最後要我地穿過艘船上遊艇 未試過咁樣上法><
再見了 東平洲 我起隻船尾訓左陣 等冇大浪過陣先同濤一齊上前
我地吹水 吹左好耐 番黎個陣 我地見到座山有隻猩猩樣
直頭笑死 哈哈~~田田祖先顯靈呀!!~~
日落lu~~~~~今日既東平洲環島遊幾好玩
知左好多野 而且有好多從未試過既經歷 $80抵番哂~~~
特別鳴謝:相片提供 濤 及 臭漢
| 
