記得上次講到人生第一次發現屍體！

唔知大家有冇印象大學站有人墮軌事件呢？

我當時就處身現場ｌａ！唔知係咪好似一早有預感＋整定！

果日我比平時早左出門口！但．．．平時既我遲到居多，少有甘準時！

同埋覺得當時果班火車ｄ冷氣好似特別凍甘！唔知係我既心理作用定係先兆！

仲記得當時大概係傍晚６：３０ｐｍ左右，當火車駛經大學站之時，火車突然停左！

起初，仲以為前面列車尚未開出者！

但．．．不久，連燈同冷氣都冇埋！又以為列車故障ｌａ！

未幾，ｄ乘客陸陸續續起身唔知行去邊！

甘．．．我咪跟住行ｌｏｒ！（因為我曾經一度瞓著＋聽緊ｍｐ３！所以唔知發生咩事！）

原來ｄ人係落車行去月台！跟住就見到前面又消防員又警察又救護員甘！

氣氛好凝重甘ｐｏｒ！就以為有乘客有ｄ突發既病而暈倒係車廂ｌａ！

點知都唔係！原來係車死左人至真既！真係難以置信ａｒ！

我居然會遇到ｄ甘既事？果班列車我都有份坐架！

個心有ｄ唔舒服！好似覺得自己都有ｄ責任！好似間接害死左佢！

其實，當時我除左驚都仲有ｄ疑問！

就係．．．究竟佢係就甘跳落路軌定係行落去跟住瞓係路軌呢？

我諗後者會合邏輯ｄ！因為佢係趴住既，背脊向天，頭部向住我地呢面既月台，仲要係冇著衫ｔｉｍ！

所以．．．我估佢應該係對面月台行過黎既！

仲有，好想知佢咩事甘睇唔開！佢死之前一定好痛苦ｌａ！心痛＋身痛！

因為佢被輾開兩段！火車緊急煞停時已經接近車尾（約第１０卡）！一定好痛ｌａ！

跟住我一路上都聽到好多埋怨既聲音同難聽既說話！

可唔可以有ｄ惻隱之心ａｒ？人地都已經甘ｌａ！