因為有多小小嘢想講，大家介唔介意我一日打兩次blog呀？

我想同大家分享我既唔開心∼

之前我同大家講過我今日唔知醒返學，

點知daddy今日返嚟打我，

因為屋企從來都冇打人呢個習慣，

所以係冇（雞毛掃）呢一樣嘢嫁∼

咁daddy就唯有走去攞個衣架嚟打我，

佢打咗我一吓，嗰吓真係好痛，痛到我差ｄ喊，

不過我都忍住，但係daddy竟然話衣架唔夠

大力，佢走入廁所攞咗把地拖棒出嚟，

嗰時我望住支地拖棒，又望吓daddy，

我真係忍唔住喊咗出嚟啦∼

之後daddy就見到我喊就唔忍心打我，

但係佢又落唔到台，

所以就話：（鬼叫你唔返學呀！）

之後我就喊住＋好大聲咁同佢講：（我唔係唔想返學，而係個鬧鐘突然間冇電，所以我先唔知醒！∼）

之後佢話：（個鬧鐘壞咗大哂呀？個鬧鐘壞咗就可以唔洗返學呀？）

之後我都已經冇氣再同佢講，佢就坐喺梳化度開咗套（寶貝計劃）嚟睇，

而我就坐喺梳化既一角嚟喊，

而daddy都不時望過嚟，

我覺得其實daddy都好錫我嫁，

不過我仲成日唔聽daddy話，成日激佢！

∼其實佢打完我佢自己個心都有ｄ唔舒服嫁！

∼不過可能佢始終都係個男人，唔多唔小都會要返ｄ面既！

∼所以我都冇怪佢∼但係就一諗起佢打我嗰吓都會忍唔住喊咗出嚟！

∼對唔住呀！要大家聽我講咁多嘢，不過同大家分享完，

我個心已經舒服咗好多啦！∼好啦！講完家事啦！

∼講返ｄ朋友關係先啦！

∼睇完喬個blog．．．冇嘢好講！

∼佢真係冇得救嫁啦∼佢到而家都仲未明我同怡所講既嘢，

佢想點就點啦∼我同佢而家只係好普通好普通既fd咋

∼而喺我心中，怡永遠都係我既best fd！∼