今日9點令起左身,10點要到何小
去到得黃樂然同葉曉彤,冇人=,=
10點令,李小虫終於黎到,拉左我去買野飲(買左枝$7.5但勁唔得既野)
等左2個超耐,點知佢地最尾話唔黎,可怒也,曬左我咁耐,你地竟然唔黎
最後我地去左安定既街市,何承恩行過龍唔知,仲以為佢知=,=
我諗我地有係有問題,我地有個好涼既地方唔去,偏要係個超熱又超臭既地方到夾錢+數錢(嘔)
上左車,行左一半,李小虫呢個人渣先同我講話佢唔記得交一d好好好緊要既野,要番TPYC,拉埋我去=,=
本來我搭52x唔駛$$,點知佢唔等得,死要拉我搭k51,搞到我俾$3.7(怒)
仲要俾我知52x就係後面,我差d想打佢
佢去tpyc,我就係屯市等,行行下,我headphone又壞左[只不過係1個星期(哭)],就買左新喇
搞左好耐,終於到站,不過做左迷途羔羊,要何承恩黎搵我地-3-
去到,發覺我地班瘋人係到玩緊d好低b既野,算,我坐係到等,,,
無耐,佢地就玩完喇,何承恩死都要我同小虫還野
上到何承恩屋企,真係超大,佢地全部入曬去房,再次得番我同小虫,
悶左一輪,就叫何承恩俾我地睇碟,結果返煲龍咁威2,笑到叭,何承恩仲要係d笑位到搞笑,笑到痴孖根
終於聞到食物既香味,有意粉,芝士腸,薯片同jelly..
嘻嘻,食到好飽.又睇哂野,冇野做點算好呢
好彩何承恩屋企有好多玩,我地就玩酒店大亨,
冇耐,已經係破產邊緣,索性唔玩
跟住又去玩啤牌,本來嬴好多,點知麗麗呢個"敗家女"敗左我副身家去
好快就6點幾,我地去BBQ,點知搞左成粒鍾都透唔著個爐
最終原來何承恩個菲傭識,唉.......
B左無耐我就要走喇,,,,,不過我地1張相都冇影到-3-
今次玩得好開心,又冇家長係到.爽到爆
|