好耐都無寫過blog，對上一次自己都唔記得係幾時啦…今日sem特別忙，忙到有時可以將之前既習慣都唔記得，例如寫blog。

但係呢個blog我寫左好耐，由中學寫到上大學，真係有感情，唔捨得就此放棄。雖然今個sem特別忙，但係竟然被覺得得閒左，

真係有d無奈。除左忙左之外，今個sem都好似記返起好多回憶，一，有group project，對上一次都應該係中學既時候了。

第二，去返kelvin grove，勾起foundation時候既回憶，英文班既時候簡直係度蜜月，對比起今個sem，真係好大分別，特別係reports。

第三，physic prac，寫個conclusion，因為寫得太亂既關係，竟然比個tutor以為我串錯字，對上一次都係中學時候了。

e+既野愈來愈深，深到我都覺得追不上了，唔知可以撐到幾時呢？努力溫到scb122，mid sem竟然衰左，真想放棄！

但係果日同kat姐一齊上去搵dr. cooke，佢知我個分之後仲話good！其實我真係有d無奈，你good咩姐，我考得好好咩？

不過，我比起kat姐我又真係好d既，記d唔開心既野，只會令自己更辛苦，何必呢？點解唔由第二個角度睇呢？

佢就算真係照你肺其實係對你有期望既表現。一個大學教授會得閒得濟咩，走去搵時間同你照肺咩？佢對你無期望點會咁做啊？

不過，如果咁樣可以令你有鬥心，考好個mid sem exam，就算啦，我亦無謂講咁多啦！但係望住kat姐對住dr. cooke口震震個樣，

覺得佢好慘，一個讀bio既學生驚左佢仲要對住兩年既教授，真係覺得佢好可憐。

真係唔怪得上次自己一個上個dr既office搵dr cooke佢地話我咁夠薑啦...其實咁樣就好夠薑呢咩？唔通驚佢溶左你咩？

如果係自己一個對住一個大粒就叫做夠薑既話，我早就好夠薑了…kat姐，你病左無考試，好返之後，係唔係要上去搵佢交代一聲呢？

要我倍你先肯上去搵dr cooke，你未免太無gut啦嘛…點解你比佢照完肺就唔敢再自己上去見佢呢？希望唔好有下次！