經歷左兩個月既磨練，我已經決定要調整一下自己的生活方式同態度，最後決定返返去一個開心既地方。用一個正面既態度去欣賞美麗既事物。

琴日14:00開始準備好所有野，用盡全身既力將行李推到火車站，再等多兩個鍾火車，就開始左呢個既奇妙，又令我獲益良多既"一便士的旅程"。

雖然身邊既朋友都叫我坐飛機，但因為飛機行李配額既限制，選擇左坐火車。正當我仲為我既錯誤選擇而後悔既時候，我已經帶著無奈既心情上車。

一上火車既第一個感覺就係地方闊落，於是我就開部電腦睇下野啦，估唔到偏遠落後地區真係無網絡，連電話都打唔到。心情開始有D煩躁，

心想︰仲有14個鍾，應該點過？當靜下來既時候，聽到坐我後面既一個老太太同一個台灣留學生既對話，老太太言之有墨，顯然係一個極具生活智慧既人。

當我加入佢地既company之後，佢就開始教我欣賞澳洲既自然景色。因為無得上網果種煩躁不安，隨即一掃而空！後來坐我旁邊既一個男人加入我地既company，

開始真係天南地北，無所不談，老太太分享旅遊經驗，澳洲最新動向，對留學生旅遊tips…等等。另外個男人很熟悉地理，時不時講到地理，甚至英文既話題。

講到歷史既時候，佢仲送左我同個台灣留學生一人一個一便士硬幣。

因為太多講唔完既話題，帶上車既零食都無食到好多。當開始覺得肚餓既時候，就有服務員經過，開始點餐！日落既景色真係有一種魔力，

令我非常希望可以留係呢種浪漫既氣氛裡面耐D。大家開始討論日落既影相方法，當然我都唔執輸，一齊參與。一個晚餐牛肉飯，令我有機會入去小食部開開眼界！

位於車頭第一卡，設備完善，粥粉麵飯 冷熬飲品！雖然無粥，但粉麵飯齊晒，服務非常周到！21:15 light off，但係經過火車站同住宅區，

雖不算萬家燈火，但偶爾仍見到點點燈光。第二日05:30起身，終於跨過nsw-qld 邊界，進入queensland。大家都好興奮！第一次見到日出，感動！

qld的天氣明顯同nsw唔同，熱而乾，同nsw夜晚既天氣成為一個強烈既對比。06:30，驚見urbanest，原來已經到southbank，下一站就到！

大家整理行裝，然後SAY GOODBYE....... 今次既旅程實在非常充實，暫時係我最滿意，充實既旅程︰一便士旅程更令我獲益良多！仲記得個老太太話︰

你去好多度地方都係毫無選擇地迫你坐飛機，既然今次係有選擇既話，可以試下忘記飛機既效率，去換取欣賞身邊美景既機會，坐飛機係快，

但無咁高既價值。

我再唔覺得今次坐火車係一個錯誤既決定！