今日照常返去，不過係佢地要返學既日子，果然回復熱鬧，very good！！！上203，做左陣phy，

就落左去G02，做eng mock six，之後做做下，其實我好快做完，之後，杜sir比我地可以出去休息下，

之後，我出到去，又見到隻老鼠，真係好討厭lor！我去邊佢都係度既！真係冤家路窄ar！見到dickson，

鐘子，佢地又係度發顛，之後，入返去。對完之後，就上返去203，無人咁.......

同carmenli去茶軒lunch，又係兩丁人，去lunch！！！之後，返到去，同kitty同karin去搵過ABCsir，

問佢一d野，之後，就上返去lu！無幾耐，miss ng就黎左lu！講左一陣，佢就好急咁去左lu！要見學生，

我見到佢漏左d野係203，米同佢領返落去lor！落到去，一樓，咩人都無，only得一隻見到佢都想嘔既老鼠，

我曾經有一刻有諗過ignore佢，之後行到去果個位，我覺得唔想特燈搵老師出黎，又點佢做野，唔係幾好，

於是就用盡晒我全身既力，同老鼠講︰ar miss chan，你可唔可以幫我擺係miss ng台面，因為佢漏左係課室。

之後，佢佢就領左。之後，carmenli問我︰我係唔係發緊夢ar？我話︰你好出奇哩！其實咁都好丫，

証明我EQ高ma！不過我諗想中文一篇文章，係話人講客套說話，因為唔想令人受傷害，但又會有忍唔到既一刻，

我覺得，我果一句，真係好假，假到我自己都接受唔到，雖然係咁，但我覺得咁對自己都有好處。

就係因為咁討厭，如果仲可以以笑容面對，人地會覺得你大方。仲有，果個可以話係ar頭，無理由黑面對住佢，

佢想幾時玩你都得啦！如果唔想比佢知既話，假既笑容比真心發出既笑容還要來得燦爛，咁你就成功啦！

寧願發出最假既笑容，就算假到自己都討厭自己，都唔好黑面ar！呢個，係我對住隻老鼠咁多次所得出既結論。

去左搵黎sir解phy，真係覺得自己phy唔多好，唉......黎sir仲話︰你點會唔得丫，你次次quiz都合格........

唉......超凍，超辛苦。見到大獅子，d 新miss們，都好早走lor！仲早過我地。之後，miss ng從後襲擊，

嚇左我一大跳！之後，同carmenli走。到e+仲諗緊，我真係應該繼續咁假丫，定係唔理會唔會傷害自己，

真係想講果句先講。