琴日基本上同前日既節目一樣，去二宜樓飲茶，真係好relax下，幾開心bor！唔知點解，去果度飲茶都幾enjoy下，次次去果度，

都會諗起上個暑假既時候，星期六補完習黎二宜樓飲茶，星期日飲完之後就去行行下，睇下野，都唔錯丫，所以呢掛多去左果度，

又做返同上年同一樣野，就會有些…出門口之前，karin打電話比我，問我會唔會上多次CLT，再升cpl，因為佢想返返去st.john，

我聽到佢有呢個想法，其實我都幾surprised下，我真係完全無諗過當時佢同我講話上CLT好辛苦，次次落堂之後，係黃竹坑走，

一齊係BUS裡面勁講，到到考完會考之後，佢竟然會因為想升cpl而再上，但佢又講驚再上會見到francis，會有d那個，比著我既，

我都會。所以我一定唔會再上CLT。不過你如果真係再上既話，你都可以測試下自己既能力，都唔係唔好既。見到Francis都算啦，

唔緊要既，就算真係做返你果group既course assistant，咁米當無見過佢lor。不過你要努力啦，上次上過CLT，今次都上既，

一定要領到PD！haha！我睇好你。夜晚果餐去左太古城食，之後行行下，竟然比我見到一個人，就係校長！真係o咀！畢左業，

都仲會見到佢，不過，放榜果日都會見到佢既。校長果然真係背資料，記得我個名，認得我個樣，知道我係st.john，做過詩琴，

仲要叫我個名，真係…死啦，好擔心放榜ar！我又唔想表現出黎bor，明明仲有成三十日ga ma，我都唔知點解呢三十日係咁耐！

快D派左佢米算lor，唔洗擔心咁耐，不過等得耐唔係最緊要，最緊要放榜果日唔好落雨好得啦。如果唔係真係好鬼死麻煩ga la，

今年班小六就走唔甩ga la，一定會落雨ga la，天日都要返學校幫miss ng手收生，如果小六麻煩，我都唔會好方便，再去NTK，

如果真係落雨，我天日都好麻煩。我終於作完NTK篇文，其實比我想像中容易得多，english literature都真係唔係太易，而且，

我中文literature同英文literature都無讀過，NTK既野又鬼咁難，不過，我最後都係決定堅持做，星期五仲勁睇tim！我要努力！

上NTK既course當係試用，我要知道自己可唔可以。向自己既目標進發，以均加速度前進，當然係正數！位移會以幾何級數上升。