今日約左carmenli，端端同poon poon去MK，雖然琴日無咩野做，但係今日有，都已經唔錯的了。12:00 lunch，

跟返學校schedule，同poon poon一齊食lunch。琴日係O，時間真係過得好快，食食下野又過左一個上午了。不過，

日日係咁食真係會肥ga！因為吸取的能量多於消耗的能量，脂肪儲存於體內，所以肥胖+體重上升。好耐無掂過bio lu，

phy同chem都係。真係要睇返，如果唔係分分鐘咩都會唔記得晒。咁我仲點實現我個夢想ar？所以，我都係睇返下啦。

好想打羽毛球ar！雖然星期一先打完，仲搞到產生左好多乳酸，不過，我仲係好想打ar！搵人得閒同我打羽毛球丫！

之前搵左個course，係星期日上堂既，自己都幾有興趣上，但ar爸話不如簡係平日上堂既course，唔好係星期六日，

因為星期六日都要上course，無時間去玩。 難得我有機會去上course，竟然叫我去玩……我真係唔知講咩好。

距離grad din又愈來愈近了。真係有d興奮。不過配件仲未齊，真係要快d la！

呢幾日，都不斷有人甩我底，不過唔緊要啦，有緊要事，係要做先既…今日原本係約左carmenli同poon poon去行街，

點知琴晚poon poon打電話比我，話佢今日要領回鄉証，所以，唔黎得。變左我同carmenli都唔可以繼續。今日唯有無聊，

風平浪靜地度過了。返到去O，就聽到903播左一首歌，又令我諗起之前既事。果隻歌係我中四既時候流行既，好自然地，

我又諗起……題返標題，先知原來距離會考完只係廿日，都已經悶到日日要搵野做，自己plan做d咩，但係有無咩好plan，

真係……5月19日首播既法證先鋒ii，都差不多播到一半，但係我呢？只係感覺到時間過得非常非常慢，唔通繼續等時間過？

好似真係唔多掂bor！話搵工咩？我又搵唔到岩既工wor，於是米睇下書，咩都聽下睇下咁lor！不過其實除左聽野睇野之外，

我都有睇岩一d course既，我都諗住去報ga la，係過幾日等埋poon poon一齊去報lor！e+我可以暫時知道既只係8月姐，

8月我一定好開心，過得好充實！當然，呢個只係我希望的。我仲記等，上兩個summer holiday我一d都唔悶，到8月中，

我都仲未有一個感覺係返學既。中三升中四個暑假，我上CLT，入summer camp，總之係玩st.john野，真係十分之充實。

到左中四升中五個暑假，我日日去補習，補到都唔知做緊咩！總之係準備會考，讀書讀到唔知時間過，咁又唔覺時間過la！

我一直以為考完會考既我會好開心，無諗過會有悶呢個字。仲好期待tim！考果陣十分之大壓力，宜得快快手手考完個會考，

快d放假。但e+放放下又覺得無咩意義。雖然e+都上緊一個course，但都好似無咩幫助，咁先驚ar！有course上都悶，

咁8月我可能都係好悶？唔係掛！e+我考慮緊，究竟我仲返唔返返st.john好，我之前sports day係同leung sir講過，

我會考完會返返st.john，仲話會參加footdrill competition，但e+我又覺得同0，五指，朱朱，stp，無人會再返去ga la，

我係想講一句，you drill，I drill。個個都唔返去，唔通我自己一個返去咩！不過事先聲明，上course同報course我唔會咁。

有無人倍都好，只要係我想，有興趣既，我都會繼續去。但我咁諗，我開始明白自己已經無左當日入st.john果種既熱忱。

不過算啦，鬼叫我偏偏星期六上午要上course咩！應該話想返都無得返。但我可以承諾，我讀完書之後，我一定會盡力，

堅持自己既夢想。入唔入返st.john就唔知，但係……來日方長，我一定幫返既！我信我可以。

呢幾日都係度追法證先鋒，的確係有d搞笑位，不過，有d就唔係好make sence。星期日同五姨媽佢地去黃埔，無落雨，

lunch去左一間台式餐廳，原來單單肉躁飯都可以有咁大分別，之前study leave既時候成日都同carmenli去茶軒食飯，

果度d飯真係認真唔錯ga！都幾好食。其實呢個飯真係可以令我諗返起study leave既時候，日日返學校，又一齊lunch，

真係幾開心ga！不過，今次食既呢個飯有d唔同，不過都幾好食，只係我相信佢既煮法同茶軒有少少分別。雖然係咁，但係，

成個食飯過程，我都諗緊study leave既野。不過，不得不提，d湯圓真係係我意料之外。之後，米行行下，行商場咁。

睇佢地想睇既野，我睇我想睇既野。行商場既時候，見到表姐睇床單，我開始覺得每個人有自己既生活方式，而且不能猜度的。

唔知點解佢次次想睇既野，我都估唔到佢係想睇，我以為佢唔會睇，會直行直過既，佢又偏偏駐足好耐，真係…行出商埸之後，

經過一間鞋店，買左一對鞋，for grad din的。都ok，幾好睇。諗諗下grad din，其實好快就到grad din lu！有d緊張，

又有d期待，因為唔知會點。到時會點？會唔會見到一d奇怪既人，討厭既人等等。不過，我知，應該會。算啦！順其自然。

之後，又行返星光大道，一星期前同carmenli行完，所以，成日都諗返起果日所講過既野，當然，我都希望成功既！盡力啦！

之後去左尖沙咀一間百貨公司行，行左一陣，就走了。由黃埔行到尖沙咀，唔算勁ga la。我記得上次有一次仲勁lor！

8號，再出去。今次又好似真係密左少少，一個星期之後再見。我感覺到既係︰你真係好想見到我wor！ha！

自從練完oral之後，我都再無返過學校，亦都無再幫過手做野，坦白講，我終於感覺到我有少少掛住d miss 同ar sir。

特別係miss ng ar，高sir ar，教我既。不過睇黎，我以後都再無機會聽miss ng講account，聽miss ng講ce既bio lu！

唉…其實之前果一段時間，的確試過可以放低到，但返學校練oral，我又發現我的確又再次地比佢刺激到我。點解ga？唉…

我真係要好好控制下自己，唔好比佢既刺激到自己，否則自己會辛苦自己。 呢幾日諗諗下，我真係要堅持追自己既夢想，

我要努力ar！！！絕對唔可以再係咁。不過，我星期六既，我要堅持真係唔簡單。簡直同CLT差唔多，但係，CLT既時候，

我有心理準備ma！所以感覺好d。不過唔緊要，CLT我都pass到，我相信我唔會唔得既！