返到黎brisbane，唔一樣既就係已經唔想講普通話，連電話都唔係好想接。

探左law生law太，但身邊個個都講普通話。有一個大陸團黎讀兩個星期既英文班。

記得星期一去high court既時候，又係有一大班大陸自由行sit in arson case......

無奈。

今次兩個半星期既假期，大部分既WEEK DAYS都比左法庭，特別係陳志雲案。雖然每日都上法庭，

的確令我無左大部分放假既時間，但係亦可以話幫我消磨左好多時間，但我真係好ENJOY成個過程，

陳志雲案亦令我覺得自己走在新聞既最新位置。由第一日入去，咩都唔識既菜鳥去到今日上COURT，

連個庭警都認得我，同我講野，入返去COURT連PASS都唔洗比佢睇，真係原來短短九日可以令我大開眼界。

COURT裡面真係咩都有，法官鬧律師，鬧助手，鬧証人，庭警無叫COURT，法庭書記失職令法官坐係庭上呆等，

法官講笑等等，以前從未體驗過既感覺。呢九日，我真係覺得法庭有一個班房既感覺，身邊一齊聽既人，

或者有D係律師既徒弟，就好似同學咁，大家講講笑。法官潘兆童就好似學校裡面既老師，等佢黎上堂。

每日旱出門口迫地鐵，等上堂，再出去食飯，上堂，返去。法庭比左一個好規律既生活我，唔會無所事事，

係精神上亦都有支柱。漸漸覺得COURT32係我既班房。可能因為潘兆童比較NICE，就算鬧人都有原因，

上庭時面帶笑容，面陳志雲案係一單大CASE，我基本上都會去。今日個官超好笑，個辨方律師話個陳詞用英文寫，

之後個官話單CASE係中文審訊，陳詞要用中文，之後個律師話其實差唔多寫好，之後個官話︰仲有一個星期WOR，

咁你幫佢寫LOR！！真係好好笑LOR！好似個學生唔想做功課同個老師講咁，真係好好笑！

希望下次返黎都有一D CASE係大案而且係一個NICE既主審官。結案陳詞，判決都睇唔到，唯有睇新聞。

今日繼續去法庭聽陳志雲案，聽左幾日，我發現呢個潘兆童法官真係好鐘意每日一劑，每一日唔發過顛唔舒服咁，

主控官，辨方一二大律師，甚至一個去影印既律師助手都無一幸免。今日樂小姐作緊供，問左好耐，

可能個官都炆炆地，有個律師既助手去部影印機前影印，潘兆童法官就發顛啦！

即刻話點解有証人作供有大律師講緊野可以有人去影印既？之後個助手就做左個手勢，之後個官話，

咁樣即係點啊？唔係，點解有呢樣野發生先？之後個助手見個官勁興，就話對唔住，法官閣下。

真係無奈。之後有個PRESS響電話，全部人都向後望，但個官唔出聲LOR！

點計都係響電話影響法庭運作多過影印啦，真係覺得潘兆童法官既logic有d問題lor！一句莫名其妙！

識左一個英國留學生，講野超大聲，休庭既時候同佢係court room出面勁吹，吹超大聲，仲講敏感野，

講個法官顛顛地，係後台飲左幾多杯coffee……… d大律師又唔知點解唔入會議室休息，比佢地聽晒，奇怪。