繼續落雨，好耐都未見過個太陽，今日上12:00第一堂，但係最遲要出門口既時候，都仲係落緊好大雨，果種大雨既程度，

係有傘都無用。所以我決定短褲加大頭鞋，因為自己隻腳濕好過連條褲都濕埋，出左dorm未去到bus station，隻腳已經濕晒，

直情係隻腳同鞋之間好似有一層水咁，減低左腳同鞋既磨擦力，簡直寸步難行。今日既大風大雨可以媲美香港既八號風球，

但無奈我唔係係香港，所以馬照跑，舞照跳，學照返。真係十萬個唔想去上堂，太大雨啦！濕晒咁去上堂，今日又講coordination chemistry，

又見到果一個半個香港人既friend，真係好羨慕佢由幼稚園到大學都係呢度讀，聽lecturer講野完全唔係問題，100%明白！

但係佢竟然話我chem勁，真係唔明，點解人人都係你睇我好，我睇你好。又不其然諗返chemical engineering果科，到呢一刻，

我都未諗到咩方法去比信心自己去pass nei一科。個prac就黎due，我都無從入手，我係唔係應該再上去見多一次個教授呢？

一路由lecture room行去supermarket一路諗，加上落大雨，我竟然行行下甩鞋！仲要行左幾步先知道原來我甩左鞋！

生果日報網上版 - 2010-10-10

政府筍工 300份　起薪點過萬

【本報訊】政府工大晒冷，五大政府部門合共推出約 300份基層筍工，是近期最大批的政府空缺。大部份職位只要求應徵者中五學歷，

而且毋須工作經驗，起薪點統統過萬，最高達 14,770元。有人事顧問認為，這類基層政府職位要求低，人工高，

較剛結束招聘的政務主任職位更吃香，競逐情況肯定更加踴躍。　記者：盧文烈

提供空缺的部門包括消防處、地政總署、康樂及文化事務署、律政司及水務署，涉及六類職位，其中四類職位按公務員條款聘用，

即屬長工，另外兩類為合約職位。

五部門中以消防處供應量最多，該處計劃明年 4月底前增聘約 150名救護員，屬公務員職位，現正公開招聘，應徵者只需中學會考五科合格，

包括中英文，毋須工作經驗，但要經過體能測試，持有駕駛執照更佳。救護員主要負責提供緊急護理服務及送院前的護理服務，起薪點 14,770元，

之後按年資加薪，頂薪達 20,455元。

地政總署提供 40個毋須工作經驗的公務員職位空缺，名為二級地政督察，主要負責執行工地巡查、視察及交收等工作，應徵須數學合格，

並通過部門的繪圖及使用繪圖工具考試，起薪點 10,910元。上述兩職位同樣本月 25日截止申請。

法律書記屬合約制

若果學歷較高，可選擇法律書記一職，但職位屬一年合約制。求職者須中七學歷以上，職責主要就民事訴訟工作提供法律援助支援，月薪 10,905元，本月 18日截止。

合眾人事顧問公司總經理蘇偉忠表示，現時中五畢業生投身私人市場任文職工作，起薪只得 6,000多元，政府基層職位月薪過萬，相對很吸引。政府工有鐵飯碗之稱，

近年越來越多基層市民心儀這類工作，剛結束招聘的政務主任早前吸引 1.5萬人申請，相信今次會更踴躍。
 

====================================================================================================================

政府工，真係荀工？連招聘試都未考過既我，真係好驚會落後。夢想？真係有可能達到咩？

早幾日考左一科chemical engineering既mid sem sxam，今次失準了。由中學到大學，係我既記憶裡面，

似乎未試過有一次考試竟然睇完條題目會毫無頭緒，連個圖都畫唔到，仲計咩數丫……係個半鐘既限時裡面，

以我理解到既少少既題目畫左一部份既圖，因為無一個完整既system，balance唔到。寫左少少野，之後因為無圖，

所以計唔到落去……總共6題，我有4題都無做，有兩題都做唔到三份一，比多多時間我都無用，因為我理解唔到題目。

係呢一次既考試，對自己好失望，原本我相信我自己既英文水平已經夠我應付，但原來係我自己高估左自己既能力。

考完之後真係好唔開心，30%既 mid sem exam 應該都唔會領到幾多分，我擔心既係最後會成個unit fail左。

經過我一日既反覆思量，決定見教授要求重考，雖然唔知可唔可能重考，但係我唔可以比成個unit fail!!!!!

見完教授，自己諗返，先覺得自己其實好有guts，以前既我，一定做唔到。