2012 末日預言︰一個月之前已經決定要睇呢套大製作，今日終於睇到。總括而言，又無失望既，不愧係大製作，
入場既人坐滿晒一個大Theater。開始既時候，用兩個scene黎交代︰one. 個地質學家開左一個裝滿水既儀器，然後d水好熱。
two. 一個男人帶埋妻女郊遊，誤闖restricted area，然後裡面有一個乾我七七八八既湖，剩餘既水好滾。之後就有一連串既地列，
地埳，火山爆發，水災，地震，大廈倒塌等等。直落有個scene交代點解地球會有咁既變化︰係由於地球既南北極調轉。南北極指magnet，
唔係指地方。男主角同佢家人兩次利用飛機避難，仲要搵一個連prelanding check都唔識做既人去控制，呢點好無聊。
有火，水，亦有冰既場面，而且非常迫真。本來覺得個編劇幾有腦，但最後竟然出現老套結局，真係估佢唔到。
總結︰
好︰能夠利用電腦效果，特技，音響，製造非常迫真既效果，覺得自己身處其中。
繼明日之後，有更加多形式既破壞。不單係水災，仲有地埳，火山爆發，水災，地震，大廈倒塌，眼界大開。
世界末日，交代原因，唔係無端端一個世界末日。
連小朋友都識做戲，好似真係好驚好驚咁。兩個小朋友都唔會拖累成套戲，同無咩幼稚既味道。
除左災難之後，有兩條感情線，仲要控制得幾好。
唔好︰
結局好似有d爛尾，一黎之前係電影開頭咁有腦既作風好似變左，黎個極級老師婆媽既大團圓結局，交代方法亦有欠新意。
另外，唔夠真實。1. 南北極磁場如有變動，都會影響某d儀器，但戲裡無交代，看似一切運作正常。
2. 經過水災，地震之後，網絡並無任何破壞，仲可以傾視像會議！？
有一幕交代飛機停唔到，所以開左尾傖開車逃生。但係尾板同地面磨擦，而且飛機速度咁快，應該有靜電，有火花，有磨擦力，
令飛機停得好快，但係佢飛左一段距離先停到lor。
到尾段，竟然有三隻好大既船，裝滿人，亦係最後生存既人，又裝有其實動物，長頸鹿，大象等等。而最後亦話水退得好快，
之後走出船，望住個好燦爛既太陽。簡直係抄娜亞方舟！隻大船只係high tech既娜亞方舟，幫生物逃過災難。特別係望住太陽果幕。
而最失望既係結局無驚喜之餘好老套婆媽。
總括︰80分啦......
我離開左香港只係一段時間，今日我發現，原來我已經和香港的生活脫節。今日再上一個中學老師的blog，
個老師中二曾經教過我人文，可能係現今係教育界流行既通識。一個好留意時事既老師，佢可以話係以留意時事做興趣。
可能唔係興趣，係佢對社會以至政府都有好多唔滿意，所以常常出黎抱不平。包括近期的禮賓府散步。
而我，身處海外，可以做既只係日日睇住yahoo的新聞。我知道bowtie既事，但今日睇啊sir既blog，先知道原來係咁。
上星期有十幾人去禮賓府"散步"，順便講下對bowtie既不滿，估唔到有好多警察守住禮賓府，附近又封晒路。
行行下街會有四個差佬盤一個人…連啊sir都中招了。我啊sir，外表正經，絕對唔似飛仔，情緒亦唔激動。
係啊sir既blog度，仲貼左一個youtube既短片，題目係"疑似反曾 禁過馬路"。內容大約係幾個警察唔比某人路馬路。
然後同班差佬嘈。所講既某人當然唔係我啊sir，但係都係一個老師。後尾連長毛都黎埋。但係，啊sir講得岩，成班差佬，
無一個講得出唔淨係唔比長毛佢地唔過馬路既原因，而其他人可以好似無事咁過。
呢條片，其實只係一般警民衝突，係我竟然睇左幾次，原因係我覺得好心涼。拾熟狗頭咁，但唔講道理，可以佢有佢道理，
但至少係法律上，班差佬已經錯左。但咁最多只係覺得大快人心，應該未至於覺得心涼。仲記得中三既時候，我passing out，
去左警校，親眼見到原來警察係咁有紀律，咁有合作性。但我今日係短片中既警察，真係好似大陸公安，黎橫折曲，
唔講法律之餘亦都唔講道理。
同樣係兩個字︰警察，但我已經有唔同睇法，足以証明其實，我變左啦............
ching2003111
2009 年 11 月 12 日 星期四 
[ 
