好耐冇打日記咁啦,呢幾日都比較忙,冇計啦,就講講呢幾日既事啦~

24/6:

今日系姑姐既大日子呀,佢要嫁人拿,咁我今日2點先起身,冇計啦,呢幾日都幾忙下,之後食下我整既CHEESE CAKE,但系吾夠好,所以...掉左,之後打電話俾珊,佢應承左陪我出MK,但系打極電話都冇人聽,咁唯有自己出去啦,我今日要拎電話拿,至於點解要拎電話,咁就要睇下前幾日發生咩事,我會打喺下面,又系一支公出MK,今次我識路拿,好快就行到去柏裕商業中心,搭(車立)都要排隊,唉,上到去,等左陣就拎電話拿,W810I呀,好掛住你呀,開心爆,不過我D資料冇晒呀.可憐,要SET番,之後自己一個行下MK,都好耐冇黎到拿,行下都好,不過自己一個行又有D怪怪地,今日系星期6,所以好多人呀,行行下就想要M記買野飲,因為我掛住整部機,都吾知自己行過左,番番轉頭,又行過左,之後去到M記,諗諗下都系吾好喺M記買,去左7-11買,呵,夠鐘去地鐵,諗住行過去果陣,突然間有人喺我後面系咁叫小姐小姐...我望下咩事啦,點知系訪問果D人黎既,但系又吾系喎,佢好似想叫我拍飲食硬照果D咁,話自己系商業電台,留低左電話俾佢就算了,去到地鐵站,經過朗豪坊出口,想去睇下,真系去左果度,好大囉,行左陣就搭地鐵去鑽石山,行左好耐都搵吾到間野,打電話俾人又吾通,行行下先見到間野,成個場都包晒咁喎,一入到去,克斯叔叔話我好瘦,澄澄又系咁話我,同佢坐埋一齊傾下計,我地都耐冇傾計拿,次次見親面都一定一齊既,源源黎左拿,抱抱佢先,佢而家識摸人拿,手多多咁,系咁摸我塊面,之後都系同番澄澄傾計,同佢影左張相呀,佢拎左我MSN同電話,但系我就冇拎到佢電話,之後食完野就番左屋企,今日媽咪同佢呀哥呀嫂去左第2度,吾會黎,細佬今晚去左呀麻度訓,我門埋日記都訓拿,呀媽佢地都番到黎

23/6:

今日我好早就起左身,尋晚都冇乜點訓過架拿,訓喺廳度,之後今朝7點幾同呀媽佢地去飲茶,再去百街買野,我買左D整CHEESE CAKE既材料,番到屋企就整拿,杠 整下先知冇糖,落街買,番到黎呀媽佢地都出去上水1LU,我整完蛋糕就出左去MK,攙我部機去俾人修理下,去到MK,吾識路,行左好耐先行到過去咋,但系佢話聽日先拎到,OH MY GOD!!!之後就去上水,姨丈黎接我,去到睇左陣雜誌,之後就訓著左,之後去食飯,好飽囉,番屋企沖涼訓覺!!!

22/6:

今日慘拿,系極黑仔呀,今日3點幾出門口,我要去考ORAL呀...慘慘慘,去搭巴士既時候,我吾記得熄左部電話就拎左個電池出黎,咁就開吾到機...好驚囉,之後去到九龍,問左幾個人先識去喇沙書院,之後考考考啦,吾好提拿,考得好差呀,之後走人,吾識番屋企,行左成兩個鐘頭先搵到車番屋企,好好彩囉,番到黎都好攰,今日呀媽個呀哥同呀嫂落左黎HK,會喺我地屋企住番排,我同細佬要做廳長拿~