今日呀媽叫我起身,食左藥之後就食飯,之後玩陣電腦,then就出門口,去慈雲山呀,3點幾4點就到,好多人囉,一入門口,瓊伯娘即刻嗌我,話我高左好多喎,緊系啦,咁耐冇見,上次見我都吾知幾時,之後就到佢老公拿,伯伯見到我就問我系咪呀菁,佢話吾認得我喎,都兩年冇見拿,佢講野都幾搞笑,佢問我仲記吾記得佢,緊系記得啦,之後就企喺度,澄澄埋黎同我傾左陣計,都系成績d野啦,跟住佢地就上左去叔婆度,可能食左藥,搞到我好眼訓,訓左陣拿,之後就上去啦,都系好多人呀.食左野就落番去,叔叔開賭檔呀,家豐家權拉埋細佬一齊玩,仲話3兄弟一齊玩,之後都有叫我玩,不過我都系慣做睇果個,玩玩下21點,因為表姐果d都黎左,玩射龍門,未聽過喎,不過原來好易玩,之後細佬都玩埋一份,吾知點解咁多人落晒黎食飯囉,俾人趕我地上去,上面吾系咁多人,不過叔婆煮d餸好好味喎...之後就睇電影,睇睇下,呀媽叫我落番去,佢地番屋企喎,叫我拎番自己個袋,我又上番去啦,睇完,個個都走,我就等呀爸,佢喺隔離屋打牌,坐左陣,姑姐入左黎,佢應該見我一個就陪我坐,同佢傾左好耐計,佢部機系w800i,佢俾左佢同佢男友喺台灣影既婚紗相我睇,我吾認得果個女仔系姑姐,吾似系佢,之後克斯叔叔番左黎拿,佢好似喺差館好多野做,次次上親黎都見佢吾到,佢企喺門口度,我近視睇佢吾到,以為系姑姐個男朋友,佢第一句同我講"呀菁!快d叫呀叔!"呢個時候先知佢系呀叔,卡,跟住我就好開心咁嗌佢呀叔,因為好耐冇見佢呀.同埋佢系警察掛,我系特別鐘意呢個叔叔,同埋我覺得叔叔佢好好人,所以見到佢好開心,之後佢出黎,冇啦啦俾左封利是我,我拎既時候好好奇,我問佢點解會有,佢話見我岩岩咁熱情嗌佢,俾番封利是我,卡,我差d以為佢結左婚= =...過左陣就跟呀爸走lu