今晚真系真系攰到傻晒,今朝醒左都12點拿,都吾算系朝早既,我本來諗住系又留喺屋企,但系澤話耐冇見,約出黎食下野,初初都拒絕架,因為我都吾想出街,之後都算啦,反正我好耐冇出過街,同埋都要食下野,出到去,正當我想過馬路去8號既時候,呀遠打黎,話我咁樣過馬路好危險,我O晒嘴,系咁問佢喺邊,佢又吾肯講,算...去到拿,佢大個左少少啦,但系都冇咩變到,佢請我食喎,卡卡,THX晒啦,之後同佢行左陣,請左佢食雪糕,詔多陣毫走拿佢,我就去左8號廚房搵呀龍,傾左好耐計,6點幾就番左屋企,番到屋企先醒起約左靜雯出黎拎番盒髮泥,佢同呀妍行緊街,之後就行行行,都冇咩點講到野,之後就等呀龍放工,呀妍D FD黎埋,坐左陣,豬笙黎左,之後呀妍佢地去晒廁所,但系好耐冇番,我地等左佢地一陣,呀龍就打電話俾佢地啦,原來佢地諗住出MK,吾詔番黎,咁我地同埋呀龍個FD呀健上去楊仔屋企,楊仔都系呀龍個FD,原本以為同上次一樣,得楊仔,文少,國健,豬笙,呀龍同埋我仲有多左個呀健,呢幾個人,點知上到去,好多人...一入到去楊仔就話"咦~呀青"...我發覺好多人都鐘意嗌我呀青,但系我吾MIND^^坐低左,有D人就玩GAME,國健同文少就入左廚房吾知做乜,之後佢地就拎左一大碗野飲出黎,就好多冰,佢地俾左少少呀龍飲,呀龍吾知乜野吾飲住,俾左我飲一啖仔,之後佢地玩啤牌,輸左就要飲佢,有個男仔飲左幾多下,之後佢叫我玩埋一份,但系我都吾識玩,佢就話吾驚,輸左佢幫我飲,但系我真系吾識玩,之後有個叫呀超既人話"吾緊要,我教你"就咁就坐左我隔離,佢原本玩緊GAME,俾左呀龍玩,佢就教我玩話事啤,但系我都系識D吾識D啦,之後呀龍玩埋一份同我一家,玩另一種,幾好玩架,我算系識玩咁啦,之後有D人就醉左,所以冇玩,文少俾左罐啤酒我飲,但系我吾飲,之後用杯裝住俾呀龍飲,呀龍冇乜點飲到,過左陣,我覺得有D口乾,就拎左呀龍杯野黎飲,飲飲下,覺我幾好飲,就飲晒成杯,但系覺得個人好似有D呆滯咁,想去廁所,但系冇啦啦坐左喺廁所出面,坐坐下就訓左喺度LU,哈哈哈,之後塊面覺得興興地,之後D野就糊里糊塗,淨系覺得個額頭好痛,之後就訓醒左,發覺自己坐左喺凳度,去個廁所,出到黎,呀龍冇著衫= =跟住覺得額頭好似痛痛地,摸下摸下就發覺吾知幾時腫左,吾理啦,呀龍話我系咁撞埋牆度,=。=...之後坐左陣,又訓過拿,訓正都成9點,死!!尋晚同老豆講左玩到3點就番屋企,而家都成9點,但系冇人打過俾我,都好D,之後算啦,佢地嗌左早餐,我地就坐左喺度,訓既就訓,我淨系嗌左可樂黎飲,之後睇下電視,就到12點,嗌醒呀龍佢,佢要番工,但系佢訓左陣醒左,吾理我就走左T﹏T我都著埋鞋走,佢地個個都話要走,就咁我地一班人一齊走拿,番到黎,攰得濟就訓左,訓訓下,呀嫖好快番到黎,4點咋,佢話我做咩吾幫呀爸交電費,我話遲D去都未遲,但系我吾記得OK果D吾可以交,呢下慘拿,俾呀爸鬧死啦,尋晚又冇番過黎,又冇幫佢交到電費,到等到下星期一先得呀...唉...慘拿慘拿,而家唯有快D落街幫呀爸買野先得= =