對上一次係到打野已經係兩年前，唔知點解一直想係到打野但係打唔出，又或係唔記得左。

2017年尾做左一件人生大事，就係出櫃，個堆野埋藏左心裡6年，最後我講左出黎。

對於呢個「身份」，呢個引號係話比自己知，我唔係全gay

畢竟我都喜歡過好多女仔既，但我成日利用呢個身份做多野，

由中學個陣扮gay咁就唔會比人蝦，因為直男多怕基。

我其實可以放棄呢個身份，但唔放棄因為好似失去呢個俗世既特權，又想同自己講自己唔配被神、人愛，

更重要既係，好想借呢樣野同一堆討厭既直男劃清界線；最最重要既係，我想自己有D特別；最最最重要既係，

好想借呢個身份，飾演悲劇主角，直到永遠。

兩個人，我最近發現自己有兩個狀態，一個係男、一個係女；男既時候好男，女既時候好女，

女既我喜歡哥哥，男既我喜歡妹妹，就係咁，原來呢兩個我係咁處理愛情。

佢地兩個一個願打一個願挨，男既唔識喊，女既係咁喊；男既情感不敏悅；女既成個黛玉咁。

有時候，我都唔知自己咩性別；所以好難同人交往、甚至來往。

氣質隨時變，呢樣野好煩。