|
呵呵∼呢兩日都好唔慣∼因為我都無同佢地熟落∼唉！由三個女仔∼變左做３個男仔∼真係超級唔慣．．．
不過都好既∼乜都唔駛我做∼搬貨又唔駛∼擺高野又唔駛．．．ｋｅｋｅ∼
之後啦！今日阿Ｒａｌｆ叫我掉垃圾，新同事又即刻過黎幫我，真係好唷！咩粗重野都唔駛我做∼
我今日淨係點貨同跟ｆａｎｓ∼ｋｅｋｅ∼好開心唷！
佢地都對我好好∼做錯野都唔鬧我，又好肯教我野∼又好鍚我ｋｅｋｅ∼緊係啦∼唯一一個女仔ｗｏ∼仲要係最細ｗｏ∼
我一見到佢地就明白點知阿華同Ｒａｌｆ可以做到咁高級∼而第二個就只可做ｐ／ｔ∼原因就係阿Ｒａｌｆ頭腦勁∼而阿華就令仔∼真係好勁．．．
唉∼都唔知點解令仔就緊係有一樣野唔好∼就係３個都食煙．．．
搞到個倉一陣味∼想焗死我咩．．．
尋日第一日做左ｄ大獲野∼唉∼全ｉｐ既人都未試過咁既情況∼嚇到我死死下∼仲有呀∼阿華對唔住呀∼尋日搞到你放咁晏．．．
Ｒａｌｆ∼唔該晒你幫我搞返掂∼雖然唔知你點搞∼但係都唔該你先．．．
今日返左舊鋪∼見到個頂我個位既人∼唔知點解好有一種被炒既感覺∼我好掛住佢地∼我好想返黎∼
但係我亦知道無咁既機會．．．
其實由尋日阿Ｒａｌｆ同阿華講左個事實比我聽開始∼我就知道∼如果我要返過去∼就一定要呢邊既其中一個人走∼
咁姐係代表∼我∼ａｎｎｉｅ∼ａｍｙ∼ｓｕｋｉ∼呢個組合一定唔會再出現．．．
可能∼人大左∼生活經驗豐富左啦∼我開始體味到咩野叫做「人有悲歡離合，月有陰晴圓缺」，「天下無不散之延席．」
雖然真係好唔捨得∼但係我都唔會去執著∼因為執著只會令人痛苦∼所以凡事放開ｄ∼望遠ｄ∼你就會覺得天無絕人之路∼
上天做既野總係會有安排既∼祂∼對每一個人都係公平∼有得必有失∼但只要你不要將得失，睇得太重，你就會覺得做人係快樂∼唔會有咁多不如意事去發生．
「點解個天對我咁唔公平．」，「點解要係我．」我相信呢句說話係世界上每一個人都會講過∼想過∼
我亦都唔例外∼我都曾經怨過∼自己成績唔好∼阿廖離開我∼屋企人對我唔好∼但我ｅ家已經明白到∼其實個天已經比左個機會我去讀書∼係因為自己無好好咁用功∼個天已經比左阿廖我∼只係我唔甘心同佢只做朋友∼個天已經賜左一個完完整整既家庭比我∼係我自己戈時唔識得去珍惜∼一路以黎個個人都淨係識得怨天怨地∼
究竟有無人諗過上天其實都已經比左我多野我地∼起碼我地有食物∼有水∼呢ｄ野都係可以延續我地既生命∼
不過其實呢ｄ野都唔係咁重要∼最重要既係上天賜左一段咁美好既生命比我地∼如果我地無左生命∼我地跟本就咩都做唔到∼
既然事情已經發生左∼點解唔去面對呢？如果選擇逃避係咪真係可以令到你開心ｄ∼答案我諗個個人都會知∼
以前既我一定會選擇逃避∼但我諗我ｅ家一定唔會∼因為逃避往往唔開心既都會係自己∼既然逃避會令自己唔開心∼咁點解唔揀開開心心咁去面對呢？
凡事總是有兩面，但人往往只會看到痛苦的那一面．
我相信世上能看透兩面的人只有很少，甚至是零．．．
突然間感興寫左ｄ咁既野ｔｉｍ∼不過都希望大家會明白我想表達既係咩啦．
仲有呀！阿曾∼你走戈日我要返工∼黎唔到送你∼ｓｏｒｒｙ呀 ∼不果如果你想見下我既∼我唔介意你去揾我ｇａ∼
~記住留言~ | 
