昨天下午５時多，
兩個弟弟跟朋友在家樓下瞧見了４隻剛出生的貓和一條狗。
狗咬死了兩隻幼貓，還有咬斷了一隻的腳。
貓媽媽不知是害怕狗還是找食物所以躲去某處了．．．
弟弟和朋友就抱了餘下一隻還沒損傷的回家。
當時我在房裡做數，一去洗手間就看見他們打算用水幫貓貓清潔，
這群小屁孩．．．竟然不知道貓沾水很易生病，還是剛出生的貓。
於是我就搶了這隻貓貓．．．誰都不準碰。
大約安頓好，把貓貓放在一個大膠桶裡，放了一條大毛巾保暖。
上網找了點資料，都說一定要喝貓奶粉。
我唔用書面語喇。
果陣真係對阿媽好失望。
佢話比旺仔牛奶隻貓飲就得，我堅持要貓奶粉。
原本我話去惠康睇下有無，佢已經鬧到我死，所以無通知到佢就出左聯和墟。
佢打電話黎問我係咪傻左，隻貓遲ｄ都要比細佬個ｆｄ拎返屋企，到時人地會搞掂。
跟住人生第一次ｃｕｔ左佢線。哈哈哈。
不過返到屋企之後反而無再話我．．．
可能係因為細佬們唔識死甘話我阿媽好冷血。
喂左一次奶之後出左街食飯，返到屋企就見到貓貓拉肚子！
我最初以為係血！勁擔心，好彩唔係。
佢成個下半身都係臭臭便便，
幫佢慢慢用濕紙巾抹乾淨之後就兌左ｄ葡萄糖水比佢補充體力．．．
我又唔敢用醫倉鼠拉肚子既藥，
但佢到岩岩走果陣都仲未第二次便便：（
網上話貓ｂｂ大約一日一次，希望佢今晚唔會再拉肚子！
貓貓連臍帶都仲係度，眼都未睜開，應該最多出左世３日？
所以真係要好小心照顧。
佢係一隻白色既貓貓，頭上面有小小啡色花紋。
原來貓ｂｂ飲完奶之後要人手幫佢地小便．．．
用暖既濕紙巾拍下佢地屁屁直到有尿尿。
無時無刻都要預備定暖水同紙巾，
要放多支暖水係窩入面比佢保暖，
隔三個鐘就要喂一次奶，深夜都係，飲完奶要用暖水紙巾抹嘴抹面，
要好似人甘樣幫佢按摩下，掃下風，
有幾次我掃得佢太舒服喇哈！佢竟然係我隻手度訓左教∼
喂奶果陣要用針筒，貓貓會不停掙扎，所以都要幾有耐性．．．
做熟左之後成個過程大約半個鐘．．．
貓貓叫既時候好似嬰兒喊既高音版，但係好可愛。
琴晚較左鬧鐘５：３０，點知自己４：３０就突然起左身！
可能係一路記掛住隻貓貓要飲奶哈哈哈．．．
之後８：３０都係突然起左身＝ ＝就唔再訓了。
結果就係兩日咩都無做過！（加上部計數機唔係度）
就係岩岩３：３０細佬個朋友黎左拎隻貓貓走了，
佢係１個六年級既小屁孩，所以我將呢廿四小時既經驗不斷重覆重覆，
希望佢會好好照顧隻貓仔，
好彩佢爸爸養過貓，如果唔係我一定唔！會！比！佢！
唉，但係我都係驚隻貓貓甘細同大貓唔同。
其實應該帶左隻貓貓去睇醫生先：（
哈哈哈我係露台望住小屁孩走既背影．．．
就忍唔住失控不停喊－ －
唉．．．仲好記得貓貓訓教既樣，係我隻手度爬黎爬去既樣，飲奶既樣。
個感覺好似個仔比人搶左甘！！！
再見喇  加油！你要快高長大！ 我終於都明點解自己可以睇 導盲犬小Ｑ 都喊到變豬頭。
依家隻貓既喵叫不斷係耳邊出現。
屌！點解屋企唔比養！
我第日一定要養到成屋都係寵物！！！
爬爬爬．．．
訓訓訓．．．
貓貓．．．連同奶粉、針筒、水瓶、小水桶、一天既感情，再見喇
貓貓不斷爬上去攬住個暖水樽，唔知係咪掛住媽咪既體溫：’（？
岩岩飲完奶．．．
係我手上訓左教．．．
人去樓空．．．
|
