There were some kinds of thoughts running through my mind
pretty little mind on my dream man...
i think i'd put bodyshape first....haha
i want....
高d
膊頭闊d
雙手要有男人味(?)
隻腳長d
比例好d
半肥瘦
(腐化)外表有少少受既感覺,但係實際上係攻 哈哈!!!
唔該大家下面果段唔想睇可以唔好睇
for幼稚既我寫比將來既自己...既愛情
好長好煩既一篇野= =
給我的幻想中的夢中情人或結婚對象.....
我想你識彈鋼琴
唱歌好聽既要唱情歌比我聽
雖然我覺得好骨痺但係心裡面會好開心
不過份人唔洗太浪漫
浪漫既時候都要夠man
真係唔好扮女人超嘔心
要傻傻地遲鈍d成日比我玩到
唔好甘聰明反映我好蠢
你可以扮蠢但係唔好比我發現
成績要夠好可以教我
因為我唔想聽書~
唔好咩都順住我
我無理取鬧可以拍下我個頭但係唔準兇我
我同你道歉唔好甘得戚既樣
同樣地你做錯左野要認錯
多d讚下我
我英文好差唔好恥笑我
我中意發癲
唔好用鄙視既眼神望我
即使一次都唔好
我表面無野其實會好傷心
我嬲既時候要哄返我
陪我昅女但係你唔準望
唔好講粗口
我發脾氣要比我打
如果我打比你覺得好煩或者當時好累
請直接同我講
我比空間你
但我都要空間,甚至比你仲要多
所以你都唔好成日煩我
除左你之外我仲有好多野要做要重視
但係你唔洗擔心唔好以為我唔在乎你
或者你可以當我係男人
因為我中意有時好似兄弟甘既愛情
唔該唔好甘冤氣
但我都有溫柔既時候
你唔好甘驚訝,會令我好難為情
我希望你係中意我內在而唔係外表
如果係後者甘我勸你快d死心
因為人人都會變老
我第日會好醜樣我驚嚇親你
如果我地結左婚
雖然我唔會做師奶
但我或者偶爾會朝早起身煮早餐比你
我想要一個開放式廚房甘你就可以望住我煮飯
不過你洗碗
如果我炸爆左個廚房唔好怪我
因為我係為你好比心機去學
我同你就算一齊都係各自獨立既人
唔洗成日打電話比我唔洗報到行蹤
因為我信你
我覺得兩個人一齊最重要係信任
但係你都唔可以因為甘而唔誠實
有唔開心要話我知
我尊重你既同時都尊重返我
愛情唔代表一切
不過如果你有理想想實現我會傾盡一切去幫你
要以學業.事業為先
總之屋外各自各精彩,屋內就屬於我
我中意細路仔
但唔想要細路仔
如果你想要,我都可以考慮下
生左出黎你唔好叫我做「阿仔個阿媽」
因為我係某人既阿媽更加係你老婆
當大家變左老夫老妻
都要去拍下拖睇下戲
如果你有日突然覺得好厭倦
請看著我告訴我
或者你會選擇離開
但係唔準唔記得我
很長遠很長遠的一篇愛情憧憬文
或者我以後一諗到野就會繼續加落去
我是現實但偶爾又要浪漫的人
也許這樣的愛情會讓人覺得我很港女?不知道
我承認我很膚淺很普通跟很多女孩子都一樣
但我比許多人都誠實
這樣的愛情很吹毛求紕
超乎現實,沒什麼可能發生
但又有何不可?
所以我有時在想有點完美主義的自己也許一輩子都成不了親吧
我要儲定錢買姑婆屋了
|
