近來唔記得寫BLOG，結果遭到穎嫻投訴，於是就講吓今日發生咗咩事．

今日真係好嬲，仲要係嬲3次，好慘……

因為番學時我淨係識思芃，所以成日一起上落課室，空閒時又係同佢傾計，課室又一起坐，後面嗰兩個男仔居然以為我同思芃拍拖，Oh my god！

另外係思芃好唔衛生，居然流口水，咁都算啦，我同佢講的時候，佢居然答「係呀！」仲俾口水一直咁流，以後真係唔夠膽掂佢D野！

最後係自己搭小巴番屋企，本來冇事，但我到站按燈（仲要係好早），等落車時，我眼巴巴睇住小巴經過個站，居然無俾我落車，結果我要喺下一個站落車，唉…….本身我都唔鍾意個司機一路駕駛一路傾計，但而家仲要唔俾我落車，有冇搞錯？

（但我肯定我是按到燈，因為紅燈亮咗）

唉……