上次已經極慘地被後面兩個男仔亂講一通，今次又中六合彩啦！

今次係連環嬲四次。（俾上次多一次）

今日後面兩個男仔話我同陳思芃着情侶裝，其實只不過大家都着綠色衫，款式完全唔同，但是佢唔諗吓，自己同班中另外一個女仔一樣着白色T-shirt，豈不是仲似情侶裝！

跟住係佢鬼使神差咁攞左封情信（據佢話），然後亂講一餐，好無聊呀！

然後佢地兩個同旁邊四個女仔講話我同陳思芃拍拖，然後講埋D所謂證據，佢地又加入「是非團」，我真係四面楚歌！

後面嗰個男仔，又攞左封所謂情信出黎，居然話係我寫俾陳思芃，Oh my god！

點解我咁唔好彩架？