有時我幾欣賞我上司。
雖然佢應該係我見過最無記性既人，又多變，搞到行左好多冤枉路。而且佢講野有時一舊舊同事理解唔到佢講咩。不過佢做事真心為件事好唔係求其。佢唔卸膊會承擔責任同保護下屬，係一個強大後盾。佢會幫下屬fight考慮埋我地既將來，又好叻洞悉到人既動機同心態。佢有時會教我日後同樣情況要點樣去應對管理層，要點樣請一個幫到手既下屬。
今年目標突然完成左，而我一直以黎都無諗過呢個里程碑後續係點。以前既自己可能會一直諗將來點走自己要點樣進步。但見到上面既人彼此猜度、各種推卸、針鋒相對、互相角力，呢啲再唔係擁有知識或誠懇工作就駕馭到既野。會無左種想做好件事既熱誠。加上年底身份上既轉變，呢一刻有少少猶豫係咪應該停喺原位選擇安逸。而且會諗，已婚狀態喺男性行業轉工/發展會多左障礙(?)
話說我老細同佢屋企人傾電話勁溫柔，佢仲好環保，仲會買旗，覺得佢成個人都好正直haha
|
