香港係一個文憑-orientated 既社會, 又或者可以話係一個 CV-orientated 既社會
由細到大, d 中產家庭既父母, 都好鐘意叫自己d 子女去參加好多唔同既興趣班,
學鋼琴, 學書法, 學網球, 學英文, 1 歲就已經A for Astronaut..
No matter they like it or not..
然之後, 就會幫你執所謂既 portfolio (即係CV),
列哂你參加過 d 乜野興趣班, 攞過 d 乜野獎狀,
又有過d乜野貢獻, 如此類推..
等阿仔你可以搵到好既幼稚園, 好既小學, 好既中學..
上到中學, 宜家改制既 334 選科, 果個所謂既個人發展記錄, 其實.. 咪又係另外一張 CV..
到時d 人就會想盡辦法砌靚自己份「個人發展紀錄」..
寫晒自己究竟攞過 d 乜野獎狀,讀過 d 咩 course, 有過 d 乜野貢獻,
有過 d 乜野經驗, 關唔關事都好, 總之就乜撚野都寫晒落去...
好啦, 到入 U, 要 Interview, 結果都係要靠呢 d 「CV」..
到大學畢業, 要搵工, 又係寫 CV,
個個人都會砌靚自己份 Resume..
寫晒自己讀過 d 咩 course, 有過d 乜野經驗, 做過 d 乜野 part time, etc…
其實, 都係旨在搵到份好工..
到出黎做左幾年野, d 人又開始繼續進修, 等自己張 CV 又再多 d 文憑..
讀過d 乜野 Diploma, Certificate, 做過 d 乜野工, 全部都寫晒落去.. 諸如此類.......
因為你發現, 身邊好多人都係度不斷「自我增值」緊..
要升職, 要加薪.. 又或者他日要再搵過第二份好工..
到頭來, 都係要靠張CV 去同其他人鬥..
如果唔係為左張 CV, 為左升職,
今時今日有咁多人走去進修, 唔通真係為左追求知識..?
到你結左婚, 生左仔之後, 你就會開始推個仔去讀d 乜野興趣班..
然之後幫個仔執靚佢份 CV.. 幫佢準備入幼稚園,
列哂佢參加過 d 乜野興趣班, 攞過d 乜野獎狀, 又有幾好成績, 等等等等...
Then, it never ends..
講到尾, 其實d 中產家庭既父母..
都係想個仔可以繼續維持到自己呢一代「中產」呢一個水平既生活又或者地位姐..
好可悲.. 呢個社會, 的確有好多野, 都淨係睇你有幾多張 Cert..
__________________________________________________________________________________________
你可能會話..
「就算份CV 幾靚都好, 出到黎做野,
如果你係冇料既.. 咪一樣做唔長..」
的而且確.. 你講得冇錯,
就算份 CV 幾靚都好, 都唔及「真正做得野 / 醒目 / 聰明」
但係.....
當你細過覺得學琴係 on9, 書法係低能,
比賽係白痴, 考試係弱智..
你會覺得自己去夾Band, 錄Demo,
係自成一格,. 係好撚有型..
你仲要用好多時間黎溝女..
好啦, 到左要報大學果陣時,
你發覺自己真係無咩野寫..
ok, 無問題, 一樣俾你入到名校
上到大學, 你攪學生會, 好活躍,
Party 去盡, 間大學好多人識你..
同時, 你有叫做有用時間讀書,
成績都算係咁, 覺得無愧於心..
到臨畢業/ 見 Intern..
你發覺有人同你一樣成積, 但係另加十項全能,
無攪 Students' Society, ,無係學校活躍..
點知參加晒 d 乜 scheme 物 scheme, 廿鳩幾個比賽..
而你當年投放所有時間既搖滾樂團, 寫唔上CV..
你只有一行 Executive Commitee of ABC Students' Society..
而人地就寫爆晒成張 CV..
你果下就會後悔.. 點解當年唔聽阿媽話學琴..
點解唔聽 Advisor 講, 唔好攪學生會, 要多 d 比賽,
多 d 進修, 讀多 d 課程....
去到見工, 你就會懷住果份所有對手都係樣樣皆精,
而自己就乜撚都無既自卑心情.. 面對住無比既壓力..
點知, 你都係拎到份工..
你實會開始恥笑人地, 洗乜攪咁多時間寫靚份 CV 丫,
只要個人醒目, 一樣會掂
過左好多年..
你終於明白到, CV 其實真係唔重要,
最緊要既其實係自己夠聰明, 醒目
同時間你發現.. 咁多年黎.. 同你行緊同一條路果幾個老死發唔到圍..
但係另外果班 CV 兵團.. 雖然當日拎唔到你份工.. 但係有PHD Offer..
有人去左做 AO, 仲有無國界醫生.. 真係乜柒都有..
連最柒最 on9 果條白痴仔, 都有個鐵飯碗..
你就會發現.. 聰明係可以解決一切, 但係.. 唔係個個都咁聰明..
到你生仔, 你就會覺得.. 都係唔好俾佢夾band.. 攪音樂..,
都係星期二四學下琴, 最好得閒搵個 Tutor 催谷下佢,
幼稚園已經要讀九龍塘.. 小學呢就開始讀國際學校..
中一就索性送埋佢過去加拿大.. 或者美國..
費事佢他日發唔到圍..
強迫症家長唔係 on9, 相反, 佢地係有所領悟..
興趣同骨氣固然係重要呀, 但係如果你賭輸左,
至少.. 都可以有個鐵飯碗丫..
因為.. 你聰明, 但係你唔可以保證你個仔有你一樣咁聰明..
|
