我琴晚都幾晚瞓啦...所以今日成個人都好想瞓...

朝頭早冇咩野做....就開機同人傾計啦!!

傾下傾下就已經係下午啦!!!之後就俾左細佬打game

然後就call美玲佢地...問下佢地中秋個晚出唔出來玩..

美玲話要考慮聽日至覆我...盈盈就夜晚唔得...日頭就出到..

佢啊媽好嚴啊...好采我啊媽唔係咁啫...

今日啊佩問我中秋果晚同唔同佢地一齊去BBQ...佢地班d我都唔係好識..

所以冇咩興趣...睇下點先啦...

其實我都好想中秋個晚去BBQ..去到郊野公園度一路燒野食一路同人傾計..

又可以睇下月光..我覺得果個feel應該唔錯...不過都冇咩識d人去...唉..

下午4點幾同kinling去斧山道跑下...去到跑左一個圈我對腳已經痛痛地..

所以就拉筋先...拉筋時見到一個人好像係黃世龍係出面跑緊..

不過佢跑得好慢...KINLING開頭話唔係佢...之後佢行近D先睇到係佢..

我地係度話如果同人地講佢跑得好快一定冇人信...

今日唔知點解...跑完仲舒服過岩岩開始跑果陣...對腳都冇咁痛...

希望以後對腳都唔好咁痛啦...8點幾就返歸Lu..

返到屋企俾啊媽逼左飲一碗湯同食一碗飯

唉...我有好多功課未做...唔係好想做啊...

之前做左d...依家做下做下...差唔多做晒lu...

嘩...今日我都打左幾多野喔...哈哈...