今日約左izzet去行維園.出到銅鑼灣好多人.行都行唔到.佢話就話8點收工.但係又同我講話8點30.算啦.我都慣左.等下唔緊要既.係呀.諗住叫埋kk同layla.點知2條野都話唔去.之前講好晒.佢地話會去.點知又唔去....激死人.算啦.等我同izzet可以2個人行下.我同izzet仲去左睇占基利.笑死我呀.仲要睇首映.睇完戲先行花市.行到差唔多3點.番左馬鞍山.

都唔知幾時先好番.諗起聽日可以同izzet行維園就開心啦.今日一家人食團年飯.以為可以開開心心.點知蛇生又係到激爸爸.搞到都唔知點咁.今日都好夜先訓.係到上網.同izzet講電話.

今日出左去旺角.打比izzet.佢都係旺角.同亞史提芬一齊.亞芬哥話要買介指喎.唔知買左咩款呢.諗住可以同埋佢2個一齊食飯啦.點知都係無咁我只好講.咁當大家今日都唔係旺角啦.佢地2個食完飯就番左馬鞍山.我就自己一個係到行.hugo打比我叫我去唱k喎.當然唔去啦.周生都未必想我去啦.去到實飲酒.唔好啦.再係咁肥死我呀.我要減肥呀.肥左好多呀.好早咁番到屋企同izzetmsn.但佢仲有野搞....今日又咳得勁左,叫媽咪買潤喉既糖水比我食.點知仲衰......起晒痰

同左layla去左烚下烚下.諗住落cyber.唉.但係因為砍完人既關係.個場好清.諗到呢個問題都已經唔想落.因為個場無晒人.打比亞丁.亞丁話尋日先落完.星期5先落.但我同佢講.如果落348呢.佢話會落.仲即刻打電話叫人落.有無人咁爛玩呀.但因為無人落.我地係無落到ga.講番第2d...發左一個幾得意既夢.見到一個好靚既婚禮.主角當然係我同izzet啦.一路個夢都係好開心ga.突然izzet飲大左.仲打我tim.我當然好自然還拖啦.跟住就呢頭結婚.呢頭離婚啦......都唔知咩夢黎ga....

今日喉嚨無咁痛.全靠朝早起身去藥房配左藥食.仲好平tim.d藥仲勁過診所個d.好快就好番好多.夜晚出左去食團年飯.覺得今次無咩氣氛.好多親戚無出席.

開始發覺我同izzet既關係越黎越薑.再咁落去我驚會分開