今日，調左位之後第一日坐新位，今次係Miss Kwong任我哋調既，自已鐘意坐邊個位就坐邊個位。我呢…就梗係同Theresa坐架啦~Cherry同Lychee坐，提子同Katherine坐，雯女同SiuYan坐...我前面係ChorLing同Kathy。

派一科，梗係英文啦...唔洗講，唔方好，但已經係Paper 1B囉~即係Listening，滿分40，全班最高32，我27，好唔掂囉~之後派科學，唔想提...然後派Maths，都比我預期好小小啦~有67...算OK既~Lemon同Fergus幫我補，我有67；Lemon同Fergus再加阿刁幫提子補，提子都係得53...好搞笑~

放左學之後我同Theresa去小食館食野，本黎我話去果間禾味，因為我哋日日都係食小食館，但係佢又唔肯喎，話要聽日先，激死！！我哋食食下，Cherry同提子就黎左，之後就同埋佢哋一齊食...跟住我哋去買糖果度，我買果D一包包，cHERRY同提子就夾糖...

聽日mISS kWONG話派PAPER 1b，有成過半班都唔合格果份...好驚呀~佢聽日肯定鬧人，如果我唔合格，後果預計係嚴重既~!!

今日...如常地，去溜冰，之後去學琴，今日我著果件衫殘到嘔，成條梅菜咁~好彩無撞倒熟人姐~今日教琴Miss教左成六首新歌，仲要背埋佢，死唔死...佢成日教D超難既歌比我囉~6級既~算點呀~？

果間Skyline...電到我D頭髮傷晒，仲炒晒~依家成個頭好似掃把咁~好唔順眼呀！我睇左佢係靚仔份上，如果唔係我實去complain佢~

聽日返學喇~放左一個禮拜都唔夠既假，但係我覺得已經好耐咁，好似好耐無返過學，仲有D放暑假既感覺添！唉...好擔心我份英文卷，有成半班唔合格，我係其中一個咪死！唉..肯定比Miss Kwong鬧到嘔...

琴日電完負離子，好開心呀~Kaka~幫我剪頭髮同除左剪頭髮之外，其他乜都係佢幫我搞果兩個髮型師好靚仔呀~琴日做左負離子，染同剪，幫我剪頭髮果個似個韓星裴俊勇定裴勇俊，另外果個就似香港先生高鈞賢，如果唔信可以自已去睇下，果間野叫Skyline，我由11:40a.m整到16:45p.m，足足五粒鐘有多...坐到嘔...其實都無乜剪，去到果間野果個，一個人都冇，成間鋪得果兩個髮型師同個櫃枱服務員，兩粒鐘之後，就多左成6個髮型師返黎，仲要係一個女仔都無...之後整整下，超多人，成間鋪都坐滿人...覺得自已好好彩，可以有兩個靚仔幫我搞個頭...整左$350，都幾平呀~

搞完之後去雯女屋企，Theresa，提子同Cherry都o係度，不過Theresa唔夠半粒鐘就走左~同佢哋三個玩到八點幾先走，o係佢屋企食埋飯，因為佢屋企有工人，雯女個細佬勁Q ar~好鐘意同佢玩，Haha...雯女差唔多成個衣櫃D衫都唔要，有衫，有褲，有頸巾，有帽等等，Cherry同提子搶住要，好搞笑，之後佢哋兩個o係度慢慢分，我上左雯女張上格床，訓o係度，琴埋被，超正，仲要開埋冷氣，我差D訓著...雯女o係張床執衫送比佢哋，我o係度搞張床，Cherry同提子就分衫，超正...之後提子o係個衣櫃搵倒一D" 野" ，我即刻試戴...勁左幾多呀~~超爆笑，哈...我仲周圍行...Cherry見倒我戴佢又戴，唔知點解佢戴勁過我戴，一樣都係得六塊....

我個頭果陣味超香，係D髮尾油果陣味...好香呀~一聞倒陣香味，就諗起佢哋兩個，佢哋幫我搞果陣成日撩我傾計，不過依樣係佢既職責黎既~好想再整多次呀...

今日...又係跟媽咪返鋪頭，做野加做野，間鋪...下個月擴建，加到去近千呎，Yoyo又話唔做，加重我既負擔...

放左工之後同媽咪去食野，一路上都同住Theresa傾電話，好耐無見佢Lu~有D掛住佢...

聽日我去電負離子，希望電得好D啦...電完加焗油都係$220咋，抵到嘔電...

嘩...今日等一日用Qooza呀~其實都唔知點解自已有一個整得靚靚既Xanga(http://www.xanga.com/ching_mary)都仲要開多個Qooza既~Hehe~貪得意啦~

唔知點解個個都用Qooza唔用Xanga既~

今日返左鋪頭，次次學校放假，我都要跟媽咪返鋪頭做野，所以有時真係唔係咁鐘意放假...今日媽咪唔見左個電話呀~用左一個用都唔夠架~唉...慘~無計，天意...