晶:

      尋晚想訓果陣，諗起有２本漫畫未睇，之後一邊傾電話一邊睇漫畫。唉∼好白痴呀 ！！我睇完戀愛至上主義第８集之後，先知原來我仲借咗第７集，第８集仲要係大結局，唔怪得我睇唔明第８集講乜喇 ！！要早d訓ｏ既計劃澈底失敗。尋晚又失眠喎 ！！本來訓得幾好，之後３：４９a.m無lala喺夢裡面聽到手機有訊息，之後就醒咗走去睇，點知係家姐send嚟ｏ既，仲要係個笑話嚟！！極之無奈．．． 唉．．之後就失眠，到今朝７點幾都訓唔到喇！！

　　P.E堂跳牛仔舞，上堂冇返，都唔知點跳，好似好無助咁，但係跳跳吓又幾好玩喎！冇我想像中咁差，發覺原來有時事實唔係我想像中咁，我諗得太負面，好多野都係．．． 大恩好搞笑，係咁比人話，高凱智好似跳到好high咁，哈哈！！我就跳到一塌糊塗。

　　放學補習，今堂好悶吓，聽聽吓就眼訓 ，阿sir又唔講笑話喎！！淨係得一篇好搞笑既作文，哈哈！！今堂第１次俾阿sir問野，就係問我枝無印筆係咪同佢果枝一樣．．．d色有d唔同喎！！^^

ching:

　　今日王如生日，happy brithday ar !!發覺今日月好多人生日，黃雅琳，王如，陳潔瑩！！而家要諗定點幫陳潔慶祝生日，仲要諗禮物tim！！阿婆∼我送比你份會係無價ga~哈哈 ！！咁你又會點同我慶祝生日呀？？雖然好似仲有好耐．．．．

　　近排成日發惡夢，連訓午覺都會發惡夢．．．點解會咁ga？？

　　唉．．自己身體好唔掂！！決定要早d訓，１１：１０∼早抖！！

ying:

      今日係王如生日，lunch果陣小芳攞住個蛋糕入咗嚟我地班，突然彈起身大叫：王如生日快樂！！之後成班一齊唱生日歌，麥芷同王如就感動到喊，呢次好似係王如第２次喊 。我仲食咗件好美味ｏ既蛋糕tim∼yummy！！

　　王如∼我同晶都喺度同你講聲生日快樂！！happy brithday!!

     英文堂miss 蔡冇返，我地班睇咗一套戲，叫不瘦降之謎！！係講一個男人，食咗一個月M記，之後變得肥咗！！睇到我腰酸背痛．．．．．．　　

　　放學去咗屎忽晶屋企，睇咗一集惡魔在身邊，嚟大結局仲有６集，但係我已經冇咩心機再睇落去喇！！